Vadodara Municipal Election Candidate List: ગુજરાત સ્થાનિક સ્વરાજ્યની ચૂંટણી [Gujarat Local Body Election 2026] માટે ભારતીય જનતા પાર્ટીએ ઉમેદવારોની પસંદગીમાં અત્યંત કડક વલણ અપનાવ્યું છે. વડાપ્રધાન નરેન્દ્ર મોદીના પૂર્વ મતવિસ્તાર એવા વડોદરા [Vadodara] માં ભાજપે આંતરિક જૂથબંધીને જડમૂળથી ઉખેડી ફેંકવા માટે અભૂતપૂર્વ નિર્ણય લીધો છે. ગુરુવારે જાહેર કરાયેલી યાદીમાં ભાજપે વર્ષ 2021માં જીતેલા 59 કોર્પોરેટરોમાંથી માત્ર 15 ને જ રિપીટ કર્યા છે, જ્યારે બાકીના તમામ દિગ્ગજોને ટિકિટ ન આપીને ઘરે બેસાડી દીધા છે.
વર્તમાન 44 કોર્પોરેટરોના ટિકિટ કપાયા [Sitting Corporators Ticket Cut]
વડોદરા મહાનગરપાલિકામાં લાંબા સમયથી ચાલી રહેલી જૂથબંધી અને પદાધિકારીઓ વચ્ચેના વિખવાદને ડામવા માટે હાઈકમાન્ડે આ ‘નો રિપીટ’ થિયરી જેવો પ્રયોગ કર્યો છે. ભાજપે મેયર પિંકીબેન સોની [Pinky Soni], ડેપ્યુટી મેયર ચિરાગ બારોટ [Chirag Barot] અને સ્ટેન્ડિંગ કમિટીના ચેરમેન ડો. શીતલ મિસ્ત્રી [Dr. Sheetal Mistry] જેવા કદાવર નેતાઓની ટિકિટ કાપી નાખી છે. જોકે, મજબૂત મરાઠા નેતા રાજેશ આયરેના પુત્ર શ્રીરંગ આયરે [Shrirang Ayre] અને સ્મિત અદેષ્ણા, કેતન પટેલ કક્કુ સહિતના 15 સભ્યોને અનુભવના આધારે ફરી તક આપવામાં આવી છે.
પૂર્વ મંત્રીના પુત્ર પર પસંદગીનો કળશ [Ex-Minister Son Gets Ticket]
વડોદરાની રાજનીતિમાં ભાજપના પાયાના નેતા ગણાતા પૂર્વ મંત્રી જિતેન્દ્ર સુખડિયા [Jitendra Sukhadia] ના પુત્ર હિરેન સુખડિયા [Hiren Sukhadia] ને વોર્ડ નંબર 17 માંથી મેદાનમાં ઉતારવામાં આવ્યા છે. લોકસભા ચૂંટણીમાં હેમાંગ જોશી [Hemang Joshi] જેવા નવા ચહેરાને લાવ્યા બાદ ભાજપે હવે શહેર સંગઠનમાં પણ ડો. જય પ્રકાશ સોની [Dr. Jay Prakash Soni] ને પ્રમુખ પદ સોંપીને પ્રયોગાત્મક રાજનીતિના સંકેત આપ્યા હતા. વડોદરા સહિત 15 મહાનગરપાલિકાઓ માટે 26 એપ્રિલે મતદાન થશે અને 28 એપ્રિલે પરિણામો જાહેર થશે.
