Surat Illegal Sex Determination Racket: દક્ષિણ ગુજરાતના આર્થિક પાટનગર સુરત [Surat] માં આરોગ્ય વિભાગે એક મોટી કાર્યવાહી કરીને ગેરકાયદે ગર્ભ પરીક્ષણ [Illegal Sex Determination] ના કાળા કારોબારનો પર્દાફાશ કર્યો છે. સુરત જિલ્લા આરોગ્ય વિભાગને [Surat District Health Department] વરાછા વિસ્તારમાં આવેલી મમતા મલ્ટિ-સ્પેશિયાલિટી હોસ્પિટલમાં [Mamta Multi-Speciality Hospital] લાંબા સમયથી લિંગ પરીક્ષણની ગેરપ્રવૃત્તિ ચાલતી હોવાની ચોક્કસ બાતમી મળી હતી. આ બાતમીના આધારે આરોગ્ય વિભાગની ટીમે દરોડો પાડીને હોસ્પિટલને સીલ કરી દીધી છે.
દરોડા દરમિયાન ત્રણ મહિલાઓ મળી આવી (Surat Illegal Sex Determination Racket)
આરોગ્ય વિભાગની તપાસ દરમિયાન હોસ્પિટલમાંથી ગર્ભ પરીક્ષણ કરાવવા આવેલી ત્રણ મહિલાઓ મળી આવી હતી. આ ઉપરાંત, હોસ્પિટલમાં કાર્યરત બે મહિલા કર્મચારીઓની પણ સઘન પૂછપરછ કરવામાં આવી છે. આ ગેરકાયદે પ્રવૃત્તિનો મુખ્ય સૂત્રધાર રામગોપાલ ખંડેલવાલ [Ramgopal Khandelwal] હોવાનું બહાર આવ્યું છે. તે વ્યવસાયે માત્ર એક ફાર્માસિસ્ટ [Pharmacist] છે અને અગાઉ પણ ગર્ભ પરીક્ષણના કેસોમાં ઝડપાઈ ચૂક્યો છે.
હોસ્પિટલ સીલ અને PCNDT એક્ટ હેઠળ ગુનો (Hospital Sealed and PCNDT Act)
મુખ્ય જિલ્લા આરોગ્ય અધિકારી ડો. અનિલ પટેલની [Chief District Health Officer Dr. Anil Patel] સત્તાવાર ફરિયાદ બાદ વરાછા પોલીસ મથકમાં [Varachha Police Station] આરોપીઓ વિરુદ્ધ પીસીએનડીટી એક્ટ [PCNDT Act] અન્વયે ગુનો નોંધવામાં આવ્યો છે. દરોડા દરમિયાન મુખ્ય સૂત્રધાર રામગોપાલ ખંડેલવાલ ભાગી છૂટવામાં સફળ રહ્યો હતો. પોલીસે તેને પકડવા માટે અલગ-અલગ ટીમો બનાવીને ચક્રો ગતિમાન કર્યા છે. આ રેકેટમાં અન્ય કોણ-કોણ સામેલ છે તેની પણ તપાસ હાથ ધરાઈ છે.
આ પણ વાંચો: રાજકોટ: 50ની લાંચમાં પોલીસને 10 વર્ષની જેલ અને 5 લાખ દંડ
