India-US Trade Deal ભારત અને અમેરિકા વચ્ચે લાંબા સમયથી ચાલી રહેલી વેપાર સમજૂતીને લઈને એક મોટા સમાચાર સામે આવ્યા છે. અમેરિકી રાષ્ટ્રપતિ ડોનાલ્ડ ટ્રમ્પે ઐતિહાસિક Deal અંગે એક અત્યંત મહત્વનું નિવેદન આપ્યું છે. તેમણે સ્પષ્ટ કર્યું છે કે ભારત અને અમેરિકા વેપાર કરારની ખૂબ જ નજીક પહોંચી ગયા છે. બંને દેશો વચ્ચે ઘણા મહિનાઓથી આર્થિક હિતો અને આયાત-નિકાસના નિયમોને લઈને સઘન મંત્રણા ચાલી રહી હતી, જે હવે અંતિમ તબક્કામાં હોવાનું મનાય છે.
India-US Trade Deal વ્હાઇટ હાઉસની ઓવલ ઓફિસમાં પત્રકારો સાથે વાતચીત દરમિયાન રાષ્ટ્રપતિ ટ્રમ્પે આ આગામી Deal વિશે હકારાત્મક સંકેતો આપ્યા હતા. તેમણે કહ્યું, “તેઓ (ભારત) સમાધાન કરવા માંગે છે અને અમે પણ સમાધાન કરવાના છીએ. અમે કરારની ખૂબ જ નજીક છીએ.” જોકે, ટ્રમ્પે એ વાત પર ખાસ ભાર મૂક્યો હતો કે આ વેપાર કરાર અમેરિકા દ્વારા અગાઉ કરવામાં આવેલા અન્ય વેપારી કરારો કરતાં તદ્દન અલગ પ્રકારનો હશે.
ટ્રમ્પનું આ મહત્વપૂર્ણ નિવેદન એવા સમયે આવ્યું છે જ્યારે અમેરિકાના વિદેશ મંત્રી માર્કો રૂબિયો હાલમાં ભારતની સત્તાવાર મુલાકાતે છે. આ મુલાકાત દરમિયાન બંને દેશો વચ્ચે વેપાર, ઊર્જા, આધુનિક ટેકનોલોજી, સંરક્ષણ અને પરસ્પર દ્વિપક્ષીય સંબંધોને વધુ મજબૂત કરવા પર ઊંડાણપૂર્વક ચર્ચા કરવામાં આવી છે. માર્કો રૂબિયોએ પણ એવો સ્પષ્ટ સંકેત આપ્યો છે કે બંને દેશો આ લાંબા સમયથી પડતર વેપાર કરારને આખરી ઓપ આપવાની તૈયારીમાં છે.
કચ્છ બોર્ડર પર મોટી ઘટના: ક્રીક વિસ્તારમાંથી 7 વર્ષનો પાકિસ્તાની બાળક મળી આવ્યો, BSFનું સર્ચ ઓપરેશન
