Iran Women Gym Video સોશિયલ મીડિયા પર ચર્ચાનો વિષય બન્યો છે. ઈરાનની રાજધાની તેહરાનના એક ફિટનેસ સ્ટુડિયાનો હોવાનું જણાવાતો આ વીડિયોમાં કેટલીક મહિલાઓ હિજાબ વગર સ્પોર્ટ્સવેર પહેરીને યોગા અને કસરત કરતી જોવા મળે છે. જોકે, આ વીડિયોની સ્વતંત્ર પુષ્ટિ થઈ નથી. તેથી તેનું સ્થળ અને સમય નિશ્ચિત રીતે કહી શકાય તેમ નથી.
ઈરાનમાં મહિલાઓ માટે જાહેર સ્થળોએ હિજાબ પહેરવાના નિયમો લાગુ છે. આવા કડક નિયમો વચ્ચે મહિલાઓનો હિજાબ વગર કસરત કરતો વીડિયો સામે આવતાં સોશિયલ મીડિયા પર વિવિધ પ્રતિક્રિયાઓ જોવા મળી રહી છે.
કેટલાક યુઝર્સે સવાલ ઉઠાવ્યો છે કે શું ઈરાનમાં આર્થિક રીતે સમૃદ્ધ પરિવારોની મહિલાઓને નિયમોમાંથી છૂટ મળે છે? તેમનું કહેવું છે કે સામાન્ય પરિવારોની મહિલાઓએ આવા નિયમોનું ઉલ્લંઘન કર્યું હોત તો તેમની સામે કાર્યવાહી થઈ શકી હોત. જોકે, આ દાવાઓની સ્વતંત્ર પુષ્ટિ ઉપલબ્ધ નથી.
Videos go viral from women’s-only fitness studio in upscale northern Tehran
Iranian women in activewear are seen doing Pilates and yoga-style exercises, laughing, and posing with skincare masks and flowers https://t.co/PtZ6QLFo8W
— RT (@RT_com) November 9, 2026
Iran Women Gym Videoથી હિજાબના કાયદા પર ફરી ચર્ચા
ઈરાનમાં હિજાબના નિયમો અને મહિલાઓની સ્વતંત્રતાનો મુદ્દો વર્ષોથી ચર્ચામાં રહ્યો છે. સપ્ટેમ્બર 2022માં મહસા અમીની નામની 22 વર્ષીય યુવતીનું પોલીસ કસ્ટડીમાં મૃત્યુ થયા બાદ દેશભરમાં મોટા પાયે વિરોધ પ્રદર્શનો થયા હતા. આ ઘટનાએ ઈરાનમાં મહિલાઓના અધિકારો અને હિજાબના કાયદા અંગે આંતરરાષ્ટ્રીય સ્તરે પણ ચર્ચા જગાવી હતી.
ઈરાનની ઇસ્લામિક દંડ સંહિતાની કલમ 638 હેઠળ જાહેરમાં ધાર્મિક નિયમો વિરુદ્ધ પોશાક પહેરવા બદલ સજાની જોગવાઈ છે. જોકે, વીડિયોમાં દેખાતી મહિલાઓ સામે કોઈ કાર્યવાહી થઈ છે કે નહીં તેની માહિતી સામે આવી નથી.
હિજાબના નિયમોના અમલ માટે ઈરાનમાં મોરલ પોલીસની ભૂમિકા પણ વિવાદાસ્પદ રહી છે. આ વીડિયો સામે આવ્યા બાદ ફરી એકવાર સવાલ ઊભો થયો છે કે દેશમાં મહિલાઓ માટેના પોશાક સંબંધિત નિયમોનો અમલ કેટલો સમાન રીતે થાય છે.
