ટીમ ઈન્ડિયાના ભૂતપૂર્વ ક્રિકેટર અજય જાડેજા માટે ખૂબ જ ખાસ દિવસ હતો. કારણ કે ગઈકાલે જામનગરના રાજવી પરિવાર સાથે જોડાયેલા શત્રુશલ્ય સિંહજી મહારાજે તેમને રાજવી પરિવારના આગામી ઉત્તરાધિકારી જાહેર કર્યા છે. જે બાદ લોકો તેના વિશે સતત ચર્ચા કરી રહ્યા છે. એટલું જ નહીં જામનગરના વારસદાર બન્યા બાદ તે કેટલી મિલકતના માલિક બન્યા છે તે જાણવા માટે પણ લોકોમાં ભારે ઉત્સુકતા છે. જો તમને પણ આવો જ સવાલ હોય તો અમે લાવ્યા છીએ જવાબ.
અજય જાડેજા કિંગ કોહલી કરતા પણ અમીર બન્યો
વન ઈન્ડિયાના રિપોર્ટ અનુસાર વિરાટ કોહલીની વર્તમાન સંપત્તિ 1000 કરોડ રૂપિયા છે. જામનગરના ઉત્તરાધિકારી જાહેર થયા બાદ અજય જાડેજાની કુલ સંપત્તિ 1455 કરોડને વટાવી ગઈ છે.
હવે સવાલ એ થાય છે કે જાડેજા પાસે આટલી સંપત્તિ ક્યાંથી આવી? જવાબ છે તેમની પૂર્વજોની મિલકત. અજય જાડેજા કે.એસ. રણજીતસિંહજી અને કે.એસ. દુલીપસિંહજીના વંશના છે.
જાડેજા IPLમાંથી પણ કમાણી કરે છે
અજય જાડેજા પણ IPLમાં કોમેન્ટ્રી પણ આપે છે. જેના માટે તેઓ મોટી રકમ મેળવે છે. રિપોર્ટ અનુસાર, તે આઈપીએલની એક સિઝનમાં કોમેન્ટ્રીથી લગભગ 2 થી 3 કરોડ રૂપિયાની કમાણી કરે છે.
અજય જાડેજાની ક્રિકેટ કારકિર્દી
અજય જાડેજાની ક્રિકેટ કારકિર્દી વિશે વાત કરીએ તો, તે ભારતીય ટીમ માટે કુલ 15 ટેસ્ટ અને 196 ODI મેચો રમવામાં સફળ રહ્યો હતો. આ સમયગાળા દરમિયાન, ટેસ્ટની 24 ઇનિંગ્સમાં 26.18ની એવરેજથી તેના બેટમાંથી 576 રન બનાવ્યા હતા.
તે ODIની 179 ઇનિંગ્સમાં 37.47ની એવરેજથી 5359 રન બનાવવામાં સફળ રહ્યો હતો. જાડેજાના નામે આંતરરાષ્ટ્રીય ક્રિકેટમાં 6 સદી અને 34 અડધી સદી છે.
આ પણ વાંચો – PM ઈન્ટર્નશિપ સ્કીમ 2024 માટે નોંધણીની થઇ શરૂઆત, આ રીતે કરો અરજી
