Ahmedabad Traffic Plan: અમદાવાદ શહેરના ટ્રાફિકની જટિલ સમસ્યાને ઉકેલવા માટે રાજ્ય સરકાર અને અમદાવાદ મ્યુનિસિપલ કોર્પોરેશન [AMC] દ્વારા એક ક્રાંતિકારી નિર્ણય લેવામાં આવી શકે છે. શહેરી વિકાસ રાજ્ય મંત્રી દર્શના વાઘેલાએ [Darshana Vaghela] સંકેત આપ્યા છે કે, આગામી સમયમાં શહેરના આંતરિક વિસ્તારોમાં એસટી [ST] અને ખાનગી લક્ઝરી બસો [Private Luxury Buses] ના પ્રવેશ પર સંપૂર્ણ બ્રેક લાગી શકે છે.
Ahmedabad Traffic Plan: મોબીલિટી એક્ઝિબિશનમાં મહત્વની જાહેરાત!
મદાવાદમાં આયોજિત ‘મોબીલિટી એક્ઝિબિશન’ [Mobility Exhibition] માં હાજરી આપતા મંત્રીએ જણાવ્યું હતું કે, શહેરના ટ્રાફિકને સુવ્યવસ્થિત કરવા માટે લોકલ ટ્રાન્સપોર્ટ સિસ્ટમ [Local Transport System] પર વધુ ભાર મૂકવામાં આવશે. કોમનવેલ્થ ગેમ્સ [Commonwealth] પહેલા શહેરના રસ્તાઓને ટ્રાફિકમુક્ત બનાવવાની દિશામાં આ એક મોટું પગલું સાબિત થઈ શકે છે.
રિંગ રોડ પર ‘ટ્રાન્સફર પોઈન્ટ્સ’ ની વ્યૂહરચના
વી રણનીતિ મુજબ, બહારથી આવતી ભારે બસોને અમદાવાદના પૂરા રિંગ રોડ [Ring Road] પર જ રોકી દેવામાં આવશે. ત્યાંથી મુસાફરોને શહેરની અંદર લાવવા માટે નીચે મુજબના વિકલ્પો આપવામાં આવશે:
BRTS અને AMTS કનેક્ટિવિટી: રિંગ રોડ પરથી જ બીઆરટીએસ અને એએમટીએસ બસો દ્વારા કનેક્ટિવિટી અપાશે.
મેટ્રો રેલ (Metro Rail): મેટ્રો સ્ટેશન સાથે ફીડર બસો જોડીને મુસાફરોને ઝડપી પરિવહન પૂરું પાડવામાં આવશે.
ટ્રાફિક હળવો કરવા પર ભાર
મંત્રીએ સ્પષ્ટ કર્યું હતું કે, “ભારે વાહનો શહેરની અંદર પ્રવેશતા હોવાથી ટ્રાફિકનું ભારણ [Traffic Congestion] વધે છે. જો આ બસો રિંગ રોડ પર જ અટકી જાય અને મુસાફરો લોકલ સિસ્ટમનો ઉપયોગ કરે, તો આંતરિક ટ્રાફિકમાં મોટી રાહત થશે.” સરકાર આ પ્રોજેક્ટને લઈને ગંભીરતાથી વિચારણા કરી રહી છે અને ટૂંક સમયમાં તેની બ્લુપ્રિન્ટ તૈયાર કરવામાં આવશે.
આ પણ વાંચો: ગુજરાત સરકારનો ક્રાંતિકારી નિર્ણય: લગ્નના રજીસ્ટ્રેશન માટે હવે માતા-પિતાની સંમતિ ફરજિયાત
