બચ્ચન પરિવારને મોટો આઘાત લાગ્યો છે. અમિતાભ બચ્ચન અને તેમના પત્ની જયા બચ્ચન આ સમયે શોકમાં ડૂબી ગયા છે. તેણે પોતાના પરિવારના સભ્યને ગુમાવ્યા છે. જયા બચ્ચનની માતા અને અમિતાભ બચ્ચનના સાસુ ઈન્દિરા ભાદુરીનું નિધન થયું છે. આ સમયે બચ્ચન પરિવાર પર દુ:ખનો પહાડ તૂટી પડ્યો છે. તમને જણાવી દઈએ કે, જયા બચ્ચનની માતા ઈન્દિરા ભાદુરીએ ભોપાલમાં અંતિમ શ્વાસ લીધા છે.
જયા બચ્ચનની માતા ઈન્દિરા ભાદુરી 94 વર્ષની હતી. મીડિયા રિપોર્ટ્સ અનુસાર, ઈન્દિરા ભાદુરી છેલ્લા કેટલાક સમયથી બીમાર હતા. તેમને ઉંમર સંબંધિત સમસ્યાઓ હતી જેના કારણે તેમને ડોક્ટરોની દેખરેખ હેઠળ રાખવામાં આવ્યા હતા. એવું પણ કહેવામાં આવી રહ્યું છે કે અભિષેક બચ્ચનને દાદીના નિધનના સમાચાર મળતા જ તે ભોપાલ ગયો હતો. માતાના અવસાન બાદ જયા પણ ભોપાલ ગઈ છે. એવું કહેવામાં આવી રહ્યું છે કે આખો બચ્ચન પરિવાર ભોપાલથી મુંબઈ પ્રાઈવેટ જેટ દ્વારા રવાના થઈ ગયો છે.
આ પણ વાંચો- ગેંગસ્ટર છોટા રાજન ને મોટી રાહત, જયા શેટ્ટી હત્યા કેસમાં બોમ્બે હાઈકોર્ટે જામીન આપ્યા
