ગુજરાતના આણંદ જિલ્લામાં મંગળવારે સાંજે મુંબઈ-અમદાવાદ બુલેટ ટ્રેન પ્રોજેક્ટ હેઠળ બાંધકામ સ્થળ પર બાંધવામાં આવેલ કામચલાઉ માળખું તૂટી પડતાં એક મજૂરનું મૃત્યુ થયું હતું. અધિકારીઓએ આ માહિતી આપી હતી. પોલીસ અધિક્ષક (SP) ગૌરવ જસાણીએ જણાવ્યું કે આ ઘટના વાસદ ગામમાં બની હતી. તેમણે કહ્યું, ‘પ્રારંભિક માહિતી અનુસાર, ચાર મજૂરો કોંક્રીટ બ્લોક્સ વચ્ચે ફસાયા હતા, જેમાંથી બેને બચાવી લેવામાં આવ્યા છે. હોસ્પિટલમાં એક મજૂરનું મોત થયું હતું.
આ અકસ્માત મંગળવારે સાંજે થયો હતો
નેશનલ હાઈ સ્પીડ રેલ કોર્પોરેશન લિમિટેડે જણાવ્યું હતું કે, ‘મંગળવારે સાંજે માહી નદી પર બુલેટટ્રેન પ્રોજેક્ટના નિર્માણ સ્થળ પર ત્રણ કામદારો કોંક્રિટ બ્લોક વચ્ચે ફસાઈ ગયા હતા. ક્રેન્સ અને ખોદકામ મશીનોની મદદથી બચાવ કામગીરી હાથ ધરવામાં આવી રહી છે. એક મજૂરને બચાવી લેવામાં આવ્યો છે. તેમને હોસ્પિટલમાં દાખલ કરવામાં આવ્યા છે.
કામગીરી હાથ ધરવામાં આવી રહી છે
આ બાબતે પ્રાથમિક માહિતી આપતા ડીએસપી આનંદ ગૌરવ જસાણીએ કહ્યું હતું કે, ‘બુલેટ ટ્રેન પ્રોજેક્ટ સાઈટ પર લગાવવામાં આવેલો ગર્ડર મંગળવારે સાંજે પડી ગયો હતો. આ ઘટનામાં 2 લોકોને બચાવીને હોસ્પિટલમાં ખસેડવામાં આવ્યા હતા. પ્રાથમિક માહિતી મુજબ 1 કે 2 વધુ લોકો ફસાયેલા હોઈ શકે છે, તેમને બચાવવા માટે ઓપરેશન હાથ ધરવામાં આવી રહ્યું છે. જોકે બાદમાં એક કામદારનું મોત થયું હતું.
12 પુલનું બાંધકામ પૂર્ણ
બુલેટ ટ્રેન પ્રોજેક્ટ અંગે અધિકારીઓએ રવિવારે જણાવ્યું હતું કે 508 કિલોમીટર લાંબા મુંબઈ-અમદાવાદ બુલેટ ટ્રેન કોરિડોર માટે ગુજરાતમાં કુલ 20 નદી પુલમાંથી 12નું બાંધકામ પૂર્ણ થઈ ગયું છે. નેશનલ હાઇ સ્પીડ રેલ કોર્પોરેશન લિમિટેડ (NHSRCL) એ જણાવ્યું કે નવસારી જિલ્લામાં ખરેરા નદી પર 120 મીટર લાંબો પુલ તાજેતરમાં ગુજરાતમાં પૂર્ણ થયો છે. આ પ્રકારનો આ 12મો પુલ છે.
આ જિલ્લામાંથી બુલેટ ટ્રેન પસાર થશે
બુલેટ ટ્રેન પ્રોજેક્ટ ગુજરાત (352 કિમી) અને મહારાષ્ટ્ર (156 કિમી)ને આવરી લે છે. મુંબઈ, થાણે, વિરાર, બોઈસર, વાપી, બીલીમોરા, સુરત, ભરૂચ, વડોદરા, આણંદ/નડિયાદ, અમદાવાદ અને સાબરમતીમાં કુલ 12 સ્ટેશનો બનાવવાની યોજના છે.
આ પણ વાંચો- વીજળી બિલ ભરવાના નામે થઈ રહ્યું છે કૌભાંડ, આ બાબતોનું રાખો ધ્યાન!
