Congres News: આગામી 8 અને 9 એપ્રિલે અમદાવાદમાં યોજાનાર કોંગ્રેસ અધિવેશન માટે તૈયારીઓ તેજી પકડી રહી છે. સમગ્ર દેશભરમાંથી 1800 કરતા વધુ પ્રતિનિધિઓ અને અગ્રણીઓ આ મહાસંમેલનમાં હાજરી આપશે. ગુજરાત પ્રદેશ કોંગ્રેસ પ્રમુખ શક્તિસિંહ ગોહિલના માર્ગદર્શન હેઠળ માઇક્રો પ્લાનિંગ કરવામાં આવી રહ્યું છે, જેથી સમગ્ર કાર્યક્રમ સફળતાપૂર્વક સંપન્ન થઈ શકે.
ભવ્ય અધિવેશન માટે વિશેષ આયોજન
આ અધિવેશનમાં દેશના 33 રાજ્યો અને કેન્દ્રશાસિત પ્રદેશોમાંથી 1400 AICC પ્રતિનિધિ તેમજ 440 સહ-સદસ્યો હાજર રહેવાના છે, જેના કારણે કુલ સંખ્યા 1840 સુધી પહોંચે છે. આવનાર મહાનુભાવોના આગમન, રહેવા અને પરત ફાર્મેટી હાંસલ કરવા માટે ગુજરાત પ્રદેશ કોંગ્રેસ દ્વારા વિશેષ વ્યવસ્થા ગોઠવવામાં આવી છે. ભાષાની સમસ્યા ન આવે તે માટે વિવિધ ભાષા જાણતા કાર્યકર્તાઓની ટીમો બનાવવામાં આવી છે.
ભાષાકીય સહાય માટે 40 ટીમો તૈયાર
કોંગ્રેસે હિન્દી, અંગ્રેજી, તામિલ, ઉડિયા સહિત વિવિધ ભાષાઓના જાણકાર કાર્યકર્તાઓની 40 ટીમો તૈનાત કરી છે. દરેક ટીમમાં ત્રણ સભ્યોનો સમાવેશ કરવામાં આવ્યો છે, જે દેશભરમાંથી આવતા ડેલિગેટ્સ સાથે સંચાર અને સંકલન કરશે.
શક્તિસિંહ ગોહિલની આગવી વ્યવસ્થાપન યોજન
શક્તિસિંહ ગોહિલની આગેવાની હેઠળ કોંગ્રેસ કાર્યકર્તાઓ minut-to-minute આયોજન કરી રહ્યા છે. પ્રતિનિધિઓના સ્વાગતથી લઈ, નિવાસ અને પરત જવાની સુવિધાઓ સુધીની તમામ વિગતો ચોક્કસ કરવામાં આવી છે.
મોનિટરિંગ માટે વિશેષ સમિતિ
આ સમારોહનું મોનિટરિંગ રામકિશન ઓઝા, અમીબેન યાજ્ઞિક અને જેનીબેન ઠુમ્મર કરી રહ્યા છે. તેઓ તમામ વ્યવસ્થાઓનું નિરીક્ષણ કરી રાહત અને સગવડતા સુનિશ્ચિત કરશે.
ગુજરાતમાં અગાઉ યોજાયેલા કોંગ્રેસ અધિવેશનો
ગુજરાતે અગાઉ પણ અનેક વખત કોંગ્રેસ અધિવેશનોની યજમાની કરી છે:
1902, અમદાવાદ: સુરેન્દ્રનાથ બેનરજી
1907, સુરત: રાસબિહારી ઘોષ
1921, અમદાવાદ: ચિતરંજન દાસ (તેમની ધરપકડ બાદ હકીમ અજમલખાન કાર્યકારી પ્રમુખ બન્યા)
1938, હરિપુરા (સુરત): સુભાષચંદ્ર બોઝ
1961, ભાવનગર: નિલમ સંજીવ રેડ્ડી
1969, ગાંધીનગર: નિજલિંગપ્પા
આવતાં અધિવેશનમાં મલ્લીકાર્જુન ખડગે અને શક્તિસિંહ ગોહિલ મુખ્ય ભૂમિકા ભજવશે. કોંગ્રેસ માટે આ અધિવેશન મહત્વપૂર્ણ સાબિત થશે, કારણ કે તે આગામી રાજકીય દિશા અને વ્યૂહરચનાને સ્પષ્ટ કરશે.
