FIR registered against Rahul Gandhi – લોકસભામાં વિપક્ષના નેતા અને કોંગ્રેસના સાંસદ રાહુલ ગાંધી પર ગુરુવારે સંસદ સંકુલમાં સાંસદો સાથે ઝપાઝપી કરવાનો આરોપ લાગ્યો છે. આ ઘટનામાં ભાજપના બે સાંસદ પ્રતાપ ચંદ્ર સારંગી અને મુકેશ રાજપૂત ઘાયલ થયા છે. બંને સાંસદોને હોસ્પિટલમાં દાખલ કરવામાં આવ્યા છે. આ ઘટના બાદ ભાજપના નેતાઓએ રાહુલ ગાંધી વિરુદ્ધ સંસદ પોલીસ સ્ટેશનમાં ફરિયાદ નોંધાવી હતી. હવે દિલ્હી પોલીસે ફરિયાદના આધારે રાહુલ ગાંધી વિરુદ્ધ FIR નોંધી છે.
આ કલમો હેઠળ FIR નોંધવામાં આવી છે FIR registered against Rahul Gandhi
મળતી માહિતી મુજબ દિલ્હી પોલીસ રાહુલ ગાંધી વિરુદ્ધ ભારતીય દંડ સંહિતાની કલમ 109 હેઠળ હત્યાના પ્રયાસનો કેસ દાખલ કરશે નહીં. BNSની કલમ 117,125, 131,3(5) હેઠળ રાહુલ ગાંધી વિરુદ્ધ FIR નોંધવામાં આવી રહી છે. કલમ 117માં સ્વૈચ્છિક રીતે ગંભીર ઇજા પહોંચાડવાના આરોપો, કલમ 125 અન્યના જીવન અથવા વ્યક્તિગત સુરક્ષાને જોખમમાં મૂકવા માટે અને કલમ 131 ફોજદારી બળનો ઉપયોગ કરવા માટેનો સમાવેશ થાય છે.
BNS કલમ 3 (5) નો અર્થ એ છે કે જૂથમાં આચરવામાં આવેલા ગુના માટે, દરેક સભ્યને સમાન રીતે દોષિત ગણવામાં આવશે કે તેણે સીધો ગુનો કર્યો હોય કે ન કર્યો હોય. સામૂહિક ગુનાહિત કૃત્ય: જો ઘણા લોકો એકસાથે ગુનો કરે છે, તો બધા લોકો તે ગુના માટે દોષિત ઠરશે.બીજેપી સાંસદ પ્રતાપ સારંગીએ દાવો કર્યો છે કે કોંગ્રેસ નેતા રાહુલ ગાંધીએ બીજા સાંસદને ધક્કો માર્યો, જેના કારણે પ્રતાપ સારંગીને ઈજા થઈ. કેન્દ્રીય મંત્રી કિરેન રિજિજુએ વિરોધ દરમિયાન રાહુલ પર ભાજપના બે સાંસદો પર હુમલો કરવાનો આરોપ લગાવ્યો છે. જો કે કોંગ્રેસે આ આરોપને નકારી કાઢ્યો છે.ભાજપ રાહુલ ગાંધી પર બે સાંસદોને ધક્કો મારીને ઘાયલ કરવાનો આરોપ લગાવી રહી છે. ભાજપના સાંસદ અને કેન્દ્રીય મંત્રી કિરેન રિજિજુએ પણ આ મુદ્દે રાહુલ ગાંધી પર જોરદાર નિશાન સાધ્યું છે.તમને જણાવી દઈએ કે કોંગ્રેસ મહિલા સાંસદો પણ સંસદ માર્ગ પોલીસ સ્ટેશન જઈ રહી છે. હવે આવા સાંસદોને માર મારવામાં આવશે. ભારતના સંસદીય ઈતિહાસમાં આજ સુધી આવું વર્તન જોવા મળ્યું નથી
આ પણ વાંચો – સંસદમાં ધક્કામુક્કી કાંડમાં ભાજપ-કોંગ્રેસ આમને સામને, FIR નોંધાવવા પહોંચ્યા પોલીસ સ્ટેશન!
