ICC મહિલા T20 વર્લ્ડ કપ – આંતરરાષ્ટ્રીય ક્રિકેટ પરિષદ (ICC) એ મહિલા T20 વર્લ્ડ કપ 2026 ના સમયપત્રક અને સ્થળોની સત્તાવાર જાહેરાત કરી છે. આ ટુર્નામેન્ટ 12 જૂનથી 5 જુલાઈ, 2026 દરમિયાન ઇંગ્લેન્ડમાં યોજાશે અને તેમાં 12 ટીમો ભાગ લેશે અને કુલ 33 મેચ રમાશે.
સેમિફાઇનલ અને ફાઇનલ માટેનું ટાઇમટેબલ
ICC મહિલા T20 વર્લ્ડ કપ – આ મોટી ટુર્નામેન્ટની સેમિફાઇનલ 30 જૂન અને 2 જુલાઈ, 2026 ના રોજ લંડનના ઓવલ ખાતે રમાશે. આ પછી, ફાઇનલ મેચ 5 જુલાઈએ લોર્ડ્સ ક્રિકેટ ગ્રાઉન્ડ ખાતે રમાશે. જ્યારે ઓપનિંગ મેચ 12 જૂને બર્મિંગહામના એજબેસ્ટન સ્ટેડિયમ ખાતે રમાશે.
મેચો ક્યાં યોજાશે?
આ ટુર્નામેન્ટ ઇંગ્લેન્ડના સાત મુખ્ય સ્થળોએ રમાશે:
એજબેસ્ટન – બર્મિંગહામ
ઓલ્ડ ટ્રેફોર્ડ – માન્ચેસ્ટર
હેડિંગલી – લીડ્સ
હેમ્પશાયર બાઉલ – સાઉધમ્પ્ટન
બ્રિસ્ટોલ કાઉન્ટી ગ્રાઉન્ડ – બ્રિસ્ટોલ
ધ ઓવલ – લંડન
લોર્ડ્સ – લંડન
ક્વોલિફાઇંગ ટીમો
યજમાન ઇંગ્લેન્ડ ઓસ્ટ્રેલિયા, ભારત, પાકિસ્તાન, દક્ષિણ આફ્રિકા, ન્યુઝીલેન્ડ (ડિફેન્ડિંગ ચેમ્પિયન), વેસ્ટ ઇન્ડીઝ અને શ્રીલંકા છે. બાકીની ચાર ટીમો 2025 માં ક્વોલિફાયર ટુર્નામેન્ટમાંથી પસંદ કરવામાં આવશે.
ટિકિટ વેચાણ અને કિંમતો
ઉદઘાટન મેચ, સેમિફાઇનલ અને ફાઇનલ માટે વિશિષ્ટ પ્રી-સેલ ટિકિટોનું વેચાણ 12 જૂન 2025 થી શરૂ થશે.
ઉદઘાટન મેચ માટે ટિકિટની કિંમત £15 (પુખ્ત) અને £5 (જુનિયર) હશે.
સેમિફાઇનલ માટે ટિકિટની કિંમત £20 (પુખ્ત) અને £10 (જુનિયર) હશે.
ફાઇનલ મેચ માટે ટિકિટની કિંમત £30 (પુખ્ત) અને £15 (જુનિયર) હશે.
ICC પ્રમુખ જય શાહે શું કહ્યું?
ICC પ્રમુખ જય શાહે ટુર્નામેન્ટની જાહેરાત દરમિયાન કહ્યું હતું કે, “મહિલા રમતો માટે ચાહકોનો ટેકો અભૂતપૂર્વ રહ્યો છે. અમને વિશ્વાસ છે કે આ બે મોટી ટુર્નામેન્ટ – મહિલા T20 વર્લ્ડ કપ 2026 અને મહિલા ODI વર્લ્ડ કપ 2025 – મહિલા ક્રિકેટને નવી ઊંચાઈઓ પર લઈ જશે.
આ પણ વાંચો- પૂર્વોત્તરમાં ભારે વરસાદ અને પૂરના લીધે 34થી વધુના મોત,વરસાદનો 132 વર્ષ જૂનો રેકોર્ડ તૂટ્યો
