Priyanka Gandhi praised in Pakistan – વાયનાડના સાંસદ પ્રિયંકા ગાંધી વાડ્રાની પેલેસ્ટાઈન લખેલી બેગની પાકિસ્તાનમાં પણ ચર્ચા થઈ રહી છે. અહેવાલ છે કે પાકિસ્તાન સરકારના પૂર્વ મંત્રી ચૌધરી ફવાદ હુસૈને ભારતીય સાંસદના વખાણ કર્યા છે. તેણે તો ત્યાં સુધી કહ્યું કે પાકિસ્તાનની સંસદમાં આવી હિંમત કોઈ બતાવી શકે નહીં. પ્રિયંકા ગાંધીની બેગને લઈને ભારતમાં રાજકીય રેટરિક ચાલુ છે.
Priyanka Gandhi praised in Pakistan -ચૌધરીએ X પર લખ્યું, ‘મહાન સ્વાતંત્ર્ય સેનાની જવાહરલાલ નેહરુની પૌત્રી પાસેથી બીજી શું અપેક્ષા રાખી શકાય? પ્રિયંકા ગાંધીએ વામન લોકોમાં પોતાનું ઊંચું કદ બતાવ્યું છે. શરમજનક બાબત છે કે આજ સુધી પાકિસ્તાનના કોઈ સાંસદે આવી હિંમત દાખવી નથી. આભાર.’ હકીકતમાં સોમવારે કોંગ્રેસના સાંસદ પેલેસ્ટાઈન લખેલી બેગ લઈને સંસદ પહોંચ્યા હતા.
ભાજપે પૂછ્યું- બાંગ્લાદેશના હિંદુઓ પર કશું કહ્યું નથી
ભારતીય જનતા પાર્ટીના સાંસદ અનુરાગ ઠાકુરે આશ્ચર્ય વ્યક્ત કર્યું કે તે શું સંદેશ મોકલવા માંગે છે. તેમણે દાવો કર્યો કે, ‘પ્રિયંકા ગાંધીએ બાંગ્લાદેશમાં હિંદુઓ પર થતા અત્યાચાર પર એક પણ શબ્દ નથી ઉચ્ચાર્યો, પરંતુ પેલેસ્ટાઈન લખેલી બેગ સાથે ફેશન સ્ટેટમેન્ટ આપવા માંગે છે.’ આના પર પ્રિયંકાએ જવાબ આપ્યો કે સરકારે બાંગ્લાદેશ સરકાર સાથે વાત કરીને અત્યાચાર બંધ કરવો જોઈએ.
બીજેપી પ્રવક્તા સંબિત પાત્રાએ કહ્યું હતું કે, ‘જ્યાં સુધી ગાંધી પરિવારના સભ્યોની વાત છે, આ કંઈ નવું નથી. નેહરુથી લઈને પ્રિયંકા વાડ્રા સુધી, ગાંધી પરિવારના સભ્યો તુષ્ટિકરણની થેલી લઈને ફરે છે. તેમણે ક્યારેય દેશભક્તિની થેલી પોતાના ખભા પર લટકાવી નથી. આ સામાન તેમની હાર પાછળનું કારણ છે.ખાસ વાત એ છે કે નવી દિલ્હીમાં પેલેસ્ટાઈન એમ્બેસી ચીફ આબિદ અલઝાક અબુ જાજર ગયા અઠવાડિયે પ્રિયંકા ગાંધીને મળ્યા હતા અને કોંગ્રેસ નેતાને કેરળના વાયનાડથી તાજેતરમાં ચૂંટણી જીતવા બદલ અભિનંદન આપ્યા હતા.
આ પણ વાંચો –ગુજરાત સરકારની મોટી જાહેરાત, કર્મચારીઓનું મોંઘવારી ભથ્થું વધાર્યું, પાંચ મહિનાનું એરિયર્સ પણ મળશે
