Stock Market Fraud: અમદાવાદ શહેરમાં ઇન્વેસ્ટમેન્ટના નામે છેતરપિંડી આચરતી વધુ એક ટોળકીનો પર્દાફાશ થયો છે. અમદાવાદ સાયબર ક્રાઇમે [Ahmedabad Cyber Crime] વોટ્સએપ [WhatsApp] દ્વારા રોકાણકારોને ટાર્ગેટ કરતી સુરતની ગેંગના ત્રણ સાગરીતોને દબોચી લીધા છે. શેરબજારમાં [Stock Market] રોકાણ પર દર મહિને ૨૦૦ ટકા જેટલા તોતિંગ વળતરની લાલચ આપીને આ ઠગ ટોળકીએ એક યુવક પાસેથી ૧૭.૯૦ લાખ રૂપિયા ખંખેરી લીધા હતા.
વોટ્સએપ ગ્રુપ દ્વારા ટ્રેડિંગ ટીપ્સની જાળ (Stock Market Fraud)
આ છેતરપિંડીની શરૂઆત ૩૦ ઓગસ્ટ ૨૦૨૫ ના રોજ થઈ હતી. ઠગ ટોળકીએ ફરિયાદીનો વોટ્સએપ પર સંપર્ક કરી તેને “Stock Market Forum 38” નામના ગ્રુપમાં ઉમેર્યો હતો. આ ગ્રુપમાં આરોપીઓ સ્ટોક માર્કેટ સંબંધિત માહિતી અને નકલી ટ્રેડિંગ ટીપ્સ [Trading Tips] આપીને લોકોનો વિશ્વાસ જીતતા હતા. એકવાર ફરિયાદીને ૨૦૦ ટકા નફાનો ભરોસો બેસી ગયો, એટલે આરોપીઓએ અલગ-અલગ બેંક ખાતાઓમાં કુલ ૧૭.૯૦ લાખ રૂપિયા જમા કરાવી લીધા હતા.
મ્યુલ એકાઉન્ટ અને ભાડાના સિમ કાર્ડનો ખેલ (Rent Bank Accounts and SIM Cards)
પોલીસ તપાસમાં સામે આવ્યું છે કે આ ગેંગ અત્યંત વ્યવસ્થિત રીતે કામ કરતી હતી. ધરપકડ કરાયેલા આરોપીઓ જીતેન્દ્ર બુહા [Jitendra Buha], શૈલેષ રંગપરીયા [Shailesh Rangpariya] અને પિયુષ સોલંકી [Piyush Solanki] સુરતના રહેવાસી છે. તેઓ કમિશન પર લોકોના બેંક એકાઉન્ટ અને સિમ કાર્ડ મેળવી તેનો ઉપયોગ છેતરપિંડીના નાણાં મેળવવા માટે કરતા હતા. જીતેન્દ્ર બુહાએ એક્સિસ બેંકમાં [Axis Bank] કરંટ એકાઉન્ટ ખોલાવી તેનું સિમ કાર્ડ સાથીદારોને સોંપ્યું હતું, જેનો ઉપયોગ લખનઉમાં [Lucknow] બેસીને ઠગાઈ કરવા માટે થતો હતો.
સાયબર ક્રાઇમની નાગરિકોને ચેતવણી (Cyber Crime Safety Tips)
સાયબર ક્રાઇમ વિભાગે લોકોને અપીલ કરી છે કે સોશિયલ મીડિયા પર મળતી શેરબજારની ટિપ્સ કે વધુ પડતા નફાની લાલચ આપતા મેસેજથી દૂર રહેવું. કોઈપણ પ્લેટફોર્મ પર નાણાં રોકતા પહેલા તેની કાયદેસરતા તપાસવી અનિવાર્ય છે. હાલ પોલીસે આ ત્રણેય આરોપીઓને કોર્ટમાં રજૂ કરી રિમાન્ડ મેળવવાની તજવીજ હાથ ધરી છે અને લખનઉ કનેક્શનની વધુ તપાસ શરૂ કરી છે.
આ પણ વાંચો: સાવધાન! કિન્નર જ્યોતિષ બની લોકોને બ્લેકમેલ કરતી ગેંગ ઝડપાઈ
