ગ્વાટેમાલામાં એક ભયાનક બસ અકસ્માતમાં 30 થી વધુ લોકોના મોત થયાના અહેવાલ છે. શહેરના ફાયર વિભાગના પ્રવક્તાએ આ માહિતી આપી હતી. તેમણે કહ્યું કે સોમવારે સવારે ગ્વાટેમાલાની બહાર એક બસ અકસ્માત થયો. આમાં 30 થી વધુ લોકો માર્યા ગયા અને ઘણા લોકો ઘાયલ થયા. આ અકસ્માત ત્યારે થયો જ્યારે બસ શહેરની બહાર એક વ્યસ્ત માર્ગ પરથી પસાર થઈ રહી હતી.
La tragedia en el Puente Belice es un dolor nacional que lamento profundamente. Me solidarizo con las familias de las víctimas que hoy amanecen con una noticia desgarradora. Su dolor es mi dolor.
Como Presidente, he instruido movilizar al personal del Ejército Nacional y a la…
— Bernardo Arévalo (@BArevalodeLeon) February 10, 2025
બસ પુએન્ટે બેલિસ, હાઇવે પુલ પરથી પડી ગઈ. આ પુલ રસ્તો અને ખાડાને પાર કરે છે. ફાયર વિભાગ દ્વારા સોશિયલ મીડિયા પર તસવીરો શેર કરવામાં આવી છે. આ તસવીરોમાં બસ આંશિક રીતે પાણીમાં ડૂબેલી દેખાય છે, અને તેની આસપાસ પીડિતોના મૃતદેહ પડેલા છે.ગ્વાટેમાલા શહેરના મેયર રિકાર્ડો ક્વિનોનેઝે સોશિયલ મીડિયા પર જણાવ્યું હતું કે અકસ્માત બાદ ઘટનાસ્થળે કટોકટી સેવાઓ તૈનાત કરવામાં આવી હતી. દરમિયાન, ટ્રાફિક પોલીસ અસરગ્રસ્ત વિસ્તારમાં વૈકલ્પિક માર્ગો સ્થાપિત કરવા પર કામ કરી રહી છે.
ગ્વાટેમાલામાં ત્રણ દિવસનો રાષ્ટ્રીય શોક જાહેર
દરમિયાન, ગ્વાટેમાલાના રાષ્ટ્રપતિ બર્નાર્ડો અરેવાલોએ અકસ્માત બાદ ત્રણ દિવસના રાષ્ટ્રીય શોકની જાહેરાત કરી છે. રાષ્ટ્રપતિએ અસરગ્રસ્ત વિસ્તારમાં મદદ માટે સેના અને આપત્તિ એજન્સીને તૈનાત કરી છે. “હું પીડિતોના પરિવારો સાથે એકતામાં ઉભો છું જેમને હૃદયદ્રાવક સમાચાર મળ્યા,” અરેવાલોએ સોશિયલ મીડિયા પર કહ્યું. તેમનું દુઃખ એ મારું દુઃખ છે.
