Kinner Jyotish Gang: અમદાવાદ સાયબર ક્રાઇમે [Ahmedabad Cyber Crime] એક એવી ગેંગનો પર્દાફાશ કર્યો છે જે સોશિયલ મીડિયા પર ‘કિન્નર જ્યોતિષ’ [Kinnar Astrologer] બનીને લોકોની મજબૂરીનો ફાયદો ઉઠાવતી હતી. આ ગેંગ પ્રેમ સંબંધ, લગ્નજીવનના પ્રશ્નો અને વશીકરણ [Vashikaran] જેવી સમસ્યાઓના ઉકેલના બહાને લોકો પાસેથી લાખો રૂપિયા પડાવતી હતી. એટલું જ નહીં, પૂજા-વિધિના નામે અંગત વીડિયો અને ફોટા મેળવીને લોકોને બ્લેકમેલ [Blackmail] કરતી હતી.
ઓનલાઇન જ્યોતિષ અને બ્લેકમેલિંગનો માસ્ટરપ્લાન (Online Astrology Fraud and Blackmailing)
આ ગેંગ Instagram અને Facebook પર સક્રિય હતી. તેઓ દરરોજ અંદાજે 600 જેટલા લોકોને પોતાની જાહેરાતો મોકલતા હતા. જ્યારે કોઈ વ્યક્તિ પોતાની સમસ્યા લઈને તેમનો સંપર્ક કરે, ત્યારે આ ઠગ ટોળકી તેમનો વિશ્વાસ જીતી લેતી હતી. ત્યારબાદ વિધિના બહાને શ્રદ્ધાળુઓ પાસેથી અંગત વિગતો મેળવી, અલગ-અલગ બેંક એકાઉન્ટમાં રૂપિયા ટ્રાન્સફર કરાવતા હતા.
વીડિયો કોલ પર કપડાં ઉતરાવીને બનાવતા હતા અશ્લીલ વીડિયો (Kinner Jyotish Gang)
પોલીસ તપાસમાં સામે આવ્યું છે કે, આરોપીઓ પીડિતોને Whatsapp પર વીડિયો કોલ [Video Call] કરતા હતા. પૂજા અથવા શુદ્ધિકરણ વિધિના નામે તેઓ સામેની વ્યક્તિને નગ્ન થવા મજબૂર કરતા હતા. આ દરમિયાન તેઓ સ્ક્રીન રેકોર્ડિંગ કરી લેતા અને બાદમાં આ વીડિયો વાયરલ કરવાની ધમકી આપી લાખોની ખંડણી માંગતા હતા. એક મહિલાએ ₹1 લાખથી વધુની છેતરપિંડી થતા સાયબર ક્રાઇમમાં ફરિયાદ નોંધાવી હતી.
રાજસ્થાનથી મુખ્ય સૂત્રધારની ધરપકડ (Cyber Crime Arrest from Rajasthan)
અમદાવાદ સાયબર ક્રાઇમે તપાસનો ધમધમાટ તેજ કરી રાજસ્થાનના બિકાનેર [Bikaner, Rajasthan] માંથી રજનીશ ભાર્ગવ [Rajnish Bhargav] નામના આરોપીની ધરપકડ કરી છે. આ કેસમાં વિકાસ ભાર્ગવ [Vikas Bhargav] અને રવિ ભાર્ગવ [Ravi Bhargav] નામના અન્ય બે આરોપીઓ હાલ ફરાર છે, જેની શોધખોળ શરૂ કરવામાં આવી છે.
આ પણ વાંચો: ચૈતર વસાવાને ભરૂચ કોર્ટની નોટિસ: પોલીસની બદનક્ષીનો ગંભીર આક્ષેપ
