Patan Radhanpur Bulldozer Action: ગુજરાતમાં ગેરકાયદેસર બાંધકામો [Illegal Construction] સામે રાજ્ય સરકારની ‘લાલ આંખ’ બાદ તંત્ર એક્શન મોડમાં આવ્યું છે. પાટણ [Patan] જિલ્લાના રાધનપુર [Radhanpur] માં વહીવટી તંત્રે કડક કાર્યવાહી હાથ ધરી છે. અહીં વર્ષો જૂના બિનઅધિકૃત બાંધકામો પર બુલડોઝર [Bulldozing Action] ફેરવી દેવામાં આવ્યું છે. આ ઓપરેશન દ્વારા કિંમતી સરકારી જમીન ખુલ્લી કરાવવામાં આવી છે.
Patan Radhanpur Bulldozer Action – રાધનપુરમાં મેગા ડિમોલિશન: 5734 ચોરસ મીટર જમીન મુક્ત
રાધનપુરના વોર્ડ નંબર 5 માં સિટી સર્વે નંબર 1701 હેઠળ આવતા વિસ્તારમાં તંત્ર દ્વારા મેગા ડિમોલિશન હાથ ધરવામાં આવ્યું હતું. વહીવટી તંત્રના જણાવ્યા અનુસાર, કુલ 5734 ચોરસ મીટર સરકારી જમીન પર થયેલા કાચા-પાકા દબાણો દૂર કરવામાં આવ્યા છે. દાયકાઓ જૂના આ બિનઅધિકૃત બાંધકામોને તોડી પાડી જમીન દબાણમુક્ત [Encroachment Free] કરાઈ છે.
તંત્રનો દાવો vs સ્થાનિકોનો આક્રોશ
આ કાર્યવાહીને લઈને મોટો વિવાદ સર્જાયો છે. સ્થાનિક રહીશોનો આરોપ છે કે તંત્ર દ્વારા કોઈ પણ પૂર્વ સૂચના કે જાણ કર્યા વગર મકાનો તોડી પાડવામાં આવ્યા છે. આશરે 40 વર્ષથી રહેતા પરિવારો અત્યારે છત વગરના થઈ ગયા છે. બીજી તરફ, વહીવટી તંત્રએ આ તમામ આરોપોને નકારી કાઢતા સ્પષ્ટતા કરી છે કે, ડિમોલિશન પહેલા નિયમ મુજબ સ્થાનિકોને નોટિસ [Official Notice] પાઠવવામાં આવી હતી. હાલ બેઘર થયેલા લોકો સરકાર પાસે રહેવાની વૈકલ્પિક વ્યવસ્થાની માંગ કરી રહ્યા છે.
આ પણ વાંચો: ગોંડલ: ગણેશ જાડેજાએ 3 દિવસમાં ખેડૂતની 6 કરોડની જમીન છોડાવી
