Udhayanidhi Stalin Trisha Case મદ્રાસ હાઈકોર્ટે તમિળનાડુના દિગ્ગજ નેતા અને ડીએમકે (DMK) નેતા ઉધનિધિ સ્ટાલિનને અભિનેત્રી ત્રિશા સાથે જોડાયેલા વિવાદાસ્પદ કેસમાં મોટી રાહત આપી છે. અદાલતે પોલીસને કડક નિર્દેશ આપતા પૂછપરછની પ્રક્રિયા પૂર્ણ કર્યા બાદ તેમને સ્ટેશન બેલ (Station Bail) પર તરત જ મુક્ત કરવાનો આદેશ આપ્યો છે. આ નિર્ણયથી ડીએમકે છાવણીમાં રાહતની લાગણી ફેલાઈ ગઈ છે.
Udhayanidhi Stalin Trisha Case કેસની પૃષ્ઠભૂમિ અને વિવાદ
થોડા સમય પહેલા એક જાહેર રેલી દરમિયાન ઉધનિધિ સ્ટાલિન દ્વારા આપવામાં આવેલા નિવેદનને લઈને મોટો રાજકીય અને સામાજિક વિવાદ સર્જાયો હતો. આ ભાષણ દરમિયાન જાણીતી અભિનેત્રી ત્રિશાના નામનો સંદર્ભ આપતી કથિત ટિપ્પણી કરવામાં આવી હતી. આ નિવેદનને ગંભીરતાથી લઈને ટીવીકે (TVK) પાર્ટીના અગ્રણીઓ અને અન્ય પક્ષો દ્વારા પોલીસ સ્ટેશનમાં સત્તાવાર ફરિયાદ નોંધાવવામાં આવી હતી. આ ફરિયાદના આધારે જ પોલીસ કાયદાકીય કાર્યવાહી હાથ ધરી રહી હતી.
હાઈકોર્ટમાં સુનાવણી અને આદેશ
આ મામલે હાઈકોર્ટમાં સુનાવણી દરમિયાન તમિળનાડુ સરકાર તરફથી એડવોકેટ જનરલે કોર્ટને સ્પષ્ટપણે જણાવ્યું હતું કે પોલીસ માત્ર પ્રાથમિક પૂછપરછ માટે ઉધનિધિ સ્ટાલિનને પોતાની સાથે લઈ ગઈ છે અને સરકાર તરફથી કોઈપણ પ્રકારના ન્યાયિક રિમાન્ડ (જ્યુડિશિયલ કસ્ટડી)ની માંગણી કરવામાં આવનાર નથી.
સરકારના આ નિવેદનને આધાર બનાવીને મદ્રાસ હાઈકોર્ટે પોલીસને આદેશ આપ્યો હતો કે કાયદાકીય પ્રક્રિયાના ભાગરૂપે પૂછપરછ પૂરી કર્યા બાદ તેમને તાત્કાલિક સ્ટેશન બેલ પર છોડી મુકવામાં આવે. કોર્ટના આ હુકમથી મામલો વધુ વણસતા અટકી ગયો છે અને રાજકીય મોરચે પણ તણાવ થોડો ઓછો થયો છે. આગામી સમયમાં આ કેસમાં કાનૂની પક્ષો દ્વારા શું પગલાં લેવામાં આવે છે તે જોવું રહ્યું.
આ પણ વાંચોઐતિહાસિક સિદ્ધિ: કોમનવેલ્થ ગેમ્સમાં ગોલ્ડ મેડલ જીતનારી પ્રથમ ભારતીય જ્યુડોકા બની અસ્મિતા ડે
