Cow Rashtra Mata Movement Gujarat: ભારતીય સંસ્કૃતિમાં જેનું સ્થાન સર્વોપરી છે તેવી ગાય માતાને સત્તાવાર રીતે ‘રાષ્ટ્ર માતા’ (Mother of the Nation) જાહેર કરવાની માંગ સાથે સમગ્ર ગુજરાતમાં લોક આંદોલન છેડાયું છે. ‘ગૌ સમ્માન આહ્વાન અભિયાન’ હેઠળ આજે રાજ્યના તમામ તાલુકા મથકોએ ગૌ પ્રેમીઓ અને વિવિધ સંસ્થાઓ દ્વારા એકત્ર થઈ સ્થાનિક વહીવટી તંત્રને આવેદન પત્ર (Memorandum) સુપરત કરવામાં આવ્યું છે. આ લડાઈ હવે માત્ર સ્થાનિક સ્તરે સીમિત ન રહેતા છેક દિલ્હી (Delhi) સુધી લઈ જવાનો સંકલ્પ કરવામાં આવ્યો છે.
Cow Rashtra Mata Movement Gujarat: રાજકોટમાં ગૌ ભક્તોનું ઘોડાપૂર અને વલ્લભ કથીરિયાનું આહ્વાન
રાજકોટ (Rajkot) શહેરમાં આજે આ આંદોલનનું રૌદ્ર સ્વરૂપ જોવા મળ્યું હતું. સરદાર પટેલની પ્રતિમાથી શરૂ થયેલી વિશાળ રેલીમાં હજારોની સંખ્યામાં ગૌ ભક્તો ઉમટી પડ્યા હતા. આ રેલીમાં ગાયોને વિશેષ રીતે શણગારીને સામેલ કરવામાં આવી હતી, જે આકર્ષણનું કેન્દ્ર બની હતી. પૂર્વ કેન્દ્રીય મંત્રી વલ્લભ કથીરિયાએ (Vallabh Kathiria) આ પ્રસંગે જણાવ્યું હતું કે, ગાયને યોગ્ય બંધારણીય દરજ્જો અપાવવા માટે આ જનતાનો આક્રોશ છે અને તેને સરકાર સુધી મજબૂતીથી પહોંચાડવામાં આવશે.
ગૌ હત્યા પર સંપૂર્ણ પ્રતિબંધની ઉગ્ર માંગ
આ આંદોલનકારીઓએ મુખ્યત્વે ત્રણ મુદ્દાઓ પર સરકારનું ધ્યાન દોર્યું છે. પ્રથમ, ગાયને ‘રાષ્ટ્ર માતા’ ઘોષિત કરવી. બીજું, સમગ્ર દેશમાં ગૌ હત્યા (Cow Slaughter) પર કડક પ્રતિબંધ મૂકવો અને ત્રીજું, ગાયને ધાર્મિક પ્રતીકની સાથે ગ્રામીણ અર્થવ્યવસ્થાની કરોડરજ્જુ ગણી સંરક્ષણ આપવું.
સુરતમાં સાધુ-સંતો અને ભજન મંડળીઓ મેદાને
સુરત (Surat) શહેરમાં પણ ગૌ ભક્તો અને સાધુ-સંતોએ આંદોલન તેજ કર્યું છે. અહી સાધુ-સંતો અને સાધ્વીઓ બળદ ગાડું લઈને કલેક્ટર કચેરીએ પહોંચ્યા હતા. રેલીમાં સૂત્રોચ્ચાર અને ભજન મંડળીઓના નાદથી વાતાવરણ ગૌમય બની ગયું હતું. ગૌ માતાને રાષ્ટ્રીય દરજ્જો મળે તે માટે અહીંના હિન્દુ સંગઠનોએ ઉગ્ર રજૂઆતો કરી હતી.
આ પણ વાંચો: ગુજરાત કોસ્ટલ ડ્રગ્સ સીઝ: કચ્છ-દ્વારકામાંથી કરોડોનું ચરસ જપ્ત
