Municipal Corporation Mayor ગુજરાતની મહાનગરપાલિકાઓમાં [Municipal Corporations] નવા શાસકોની વરણીને લઈને છેલ્લા ઘણા સમયથી ચાલી રહેલી રાજકીય ઉત્સુકતાનો આખરે અંત આવ્યો છે. ભાજપ [BJP] હાઈકમાન્ડ દ્વારા મોકલાયેલા સત્તાવાર મેન્ડેટના આધારે તમામ મહાનગરપાલિકાઓના નવા મેયર [Mayor], ડેપ્યુટી મેયર [Deputy Mayor] અને સ્ટેન્ડિંગ કમિટીના ચેરમેન સહિતના પદાધિકારીઓના નામોની સત્તાવાર જાહેરાત કરી દેવામાં આવી છે. અમદાવાદ [Ahmedabad], જામનગર, મોરબી અને નવસારી સહિતના મોટા શહેરોને પોતાના નવા સુકાનીઓ મળી ગયા છે, જેઓ આગામી સમય માટે શહેરના વિકાસની ધુરા સંભાળશે.
Municipal Corporation Mayor અમદાવાદ અને જામનગરના નવા હોદ્દેદારો
ગુજરાતના સૌથી મોટા મહાનગર અમદાવાદમાં મેયર તરીકે થલતેજ વોર્ડના હિતેશ બારોટની [Hitesh Barot] વરણી કરવામાં આવી છે, જ્યારે ડેપ્યુટી મેયર તરીકે અંજુબેન શાહ અને સ્ટેન્ડિંગ કમિટી ચેરમેન [Standing Committee Chairman] તરીકે કમલેશ પટેલની પસંદગી કરાઈ છે. બીજી તરફ, જામનગર મહાનગરપાલિકામાં [Jamnagar Municipal Corporation] મેયર પદની કમાન મોનિકા વ્યાસને સોંપવામાં આવી છે. ડેપ્યુટી મેયર તરીકે રાકેશ ડેર અને સ્ટેન્ડિંગ કમિટી ચેરમેનની જવાબદારી કિરણ મોનાણીને સુપરત કરવામાં આવી છે.
મોરબી અને નવસારી મનપામાં કોને મળી જવાબદારી? [Morbi and Navsari Mayors]
મોરબી મહાનગરપાલિકાના [Morbi Municipal Corporation] પ્રથમ નાગરિક એટલે કે મેયર તરીકે વોર્ડ નંબર 8 ના કોર્પોરેટર ઉત્તમ સુરાણીની પસંદગી કરવામાં આવી છે. આ ઉપરાંત ચિરાગ રાણપરા ડેપ્યુટી મેયર અને જયંતીભાઈ પડસુંભિયા સ્ટેન્ડિંગ ચેરમેન બન્યા છે. દક્ષિણ ગુજરાતમાં નવસારી મનપાના [Navsari Municipal Corporation] પ્રથમ મેયર તરીકે અશોક ધોરાજીયાના નામની જાહેરાત થઈ છે. કચ્છના ઔદ્યોગિક નગર ગાંધીધામ મનપાના મેયર પદે દિવ્યા નાથાણીની વરણી થતાં સમગ્ર રાજ્યના મુખ્ય શહેરોની શાસક પક્ષની નવી ટીમની રચના પૂર્ણ થઈ છે.
