Amit Shah in Bhuj : કેન્દ્રીય ગૃહમંત્રી [Union Home Minister] અમિત શાહે તેમની કચ્છ મુલાકાત દરમિયાન સીમા સુરક્ષા દળ [Border Security Force] એટલે કે BSF ના જવાનોના અપ્રતિમ સાહસ અને બલિદાનને ભારે ગર્વ સાથે બિરદાવ્યા છે. ભુજની બોર્ડર આઉટપોસ્ટ [Border Outpost] G-7 ખાતે જવાનોને સંબોધતા તેમણે BSF ને દેશની ‘પ્રથમ સંરક્ષણ રેખા’ [First Line of Defense] ગણાવીને જવાનોના અથાક ત્યાગની પ્રશંસા કરી હતી.
Amit Shah in Bhuj : માઈનસ 45 થી 50 ડિગ્રી તાપમાનમાં દેશની સુરક્ષા
ગૃહમંત્રીએ જણાવ્યું કે, કાશ્મીરના બરફીલા પહાડોમાં માઈનસ 45 ડિગ્રીની ઠંડી હોય કે પછી રાજસ્થાન અને કચ્છના રણમાં 50 ડિગ્રીની કાળઝાળ ગરમી, BSF ના જવાનો હંમેશા અડગ રહીને માતૃભૂમિની રક્ષા કરે છે. હરામી નાળાની કળણવાળી જમીન અને ગાઢ જંગલો જેવી કપરી ભૌગોલિક પરિસ્થિતિઓમાં [Geographical Conditions] પણ તેઓ તૈનાત રહે છે. દેશના નાગરિકો આજે જે શાંતિનો અનુભવ કરી રહ્યા છે, તે આ જવાનોના ત્યાગને જ આભારી છે.
BSF ના 60 વર્ષના ગૌરવશાળી ઈતિહાસ
અમિત શાહે [Amit Shah] BSF ના 60 વર્ષના ગૌરવશાળી ઈતિહાસને યાદ કરતા જણાવ્યું હતું કે, દેશની અખંડિતતા માટે અત્યાર સુધીમાં દળના 2000 થી વધુ જવાનોએ પોતાના પ્રાણોની આહુતિ આપી છે. તેમણે આ તમામ શહીદોના સર્વોચ્ચ બલિદાનને કૃતજ્ઞતા સાથે વંદન કર્યા હતા.
જવાનોની કામગીરીની પ્રશંસા કરવાની સાથે સાથે અમિત શાહે [Amit Shah] બનાસકાંઠા જિલ્લામાં સીમા સુરક્ષા દળ [Border Security Force] દ્વારા સ્થાપિત કરાયેલા નવા જાહેર સંપર્ક કેન્દ્રની સફળતાનો પણ ખાસ ઉલ્લેખ કર્યો હતો. આશરે 200 કરોડ રૂપિયાના માતબર ખર્ચે તૈયાર થયેલા આ આધુનિક કેન્દ્રની દર મહિને અંદાજે 2.5 લાખથી વધુ નાગરિકો મુલાકાત લઈ રહ્યા છે. ગૃહમંત્રીએ ખુશી વ્યક્ત કરતા જણાવ્યું હતું કે, આ કેન્દ્રની મુલાકાત લીધા બાદ સામાન્ય નાગરિકોમાં દળ પ્રત્યે ભારે આદર અને જાગૃતિ આવી છે. ખાસ કરીને મુલાકાતે આવતી માતાઓ પોતાના બાળકોને ભવિષ્યમાં BSF માં જોડાવાની પ્રેરણા આપી રહી છે, જે દેશની સુરક્ષા માટે એક અત્યંત સકારાત્મક અને ગર્વની બાબત છે. આ કાર્યક્રમમાં રાજ્યના મુખ્યમંત્રી ભૂપેન્દ્ર પટેલ અને ગૃહરાજ્ય મંત્રી હર્ષ સંઘવી પણ ઉપસ્થિત રહ્યા હતા.
આ પણ વાંચો: ગરમીથી મળશે છુટકારો! અંબાલાલ પટેલે કરી વરસાદ અંગે મોટી આગાહી
