Gujarat Rain Review Meeting ગાંધીનગર: ગુજરાતમાં છેલ્લા કેટલાક દિવસોથી વરસી રહેલા ભારે વરસાદે જનજીવનને વ્યાપક અસર પહોંચાડી છે. રાજ્યમાં સર્જાયેલી આ વરસાદી આફતને ધ્યાનમાં રાખીને આજે મુખ્યમંત્રી ભૂપેન્દ્ર પટેલની અધ્યક્ષતામાં કેબિનેટની બેઠક મળી હતી, જેમાં રાજ્યની વર્તમાન સ્થિતિની સર્વગ્રાહી સમીક્ષા કરવામાં આવી હતી.
Gujarat Rain Review Meeting મુખ્યમંત્રી આવતીકાલે સુરત અને વલસાડની મુલાકાતે
રાજ્યના પ્રવક્તા મંત્રી જીતુ વાઘાણીએ પત્રકાર પરિષદમાં માહિતી આપતા જણાવ્યું હતું કે, “મુખ્યમંત્રી ભૂપેન્દ્ર પટેલ રાજ્યમાં વરસાદને કારણે ઉદભવેલી સ્થિતિનો પ્રત્યક્ષ તાગ મેળવવા અને રાહત-બચાવ કામગીરીનું જાત નિરીક્ષણ કરવા માટે આવતીકાલે સુરત અને વલસાડ જિલ્લાની મુલાકાત લેશે.” આ મુલાકાત દરમિયાન મુખ્યમંત્રી સ્થાનિક અધિકારીઓ સાથે બેઠક કરી સ્થિતિની ગંભીરતા અને ભવિષ્યના આયોજન અંગે ચર્ચા કરશે.
મંત્રીઓને સ્થળ પર પહોંચવા સૂચના
મુખ્યમંત્રીએ રાજ્યના તમામ વરસાદગ્રસ્ત જિલ્લાઓના પ્રભારી મંત્રીઓ અને સ્થાનિક મંત્રીઓને તાત્કાલિક સ્થળ મુલાકાત લેવા આદેશ આપ્યો છે. મંત્રીઓને ખાસ સૂચના આપવામાં આવી છે કે તેઓ વહીવટી તંત્રની સજ્જતા, આપત્તિ વ્યવસ્થાપનની તૈયારીઓ અને અસરગ્રસ્ત લોકોને મળી રહી પ્રાથમિક સુવિધાઓની વ્યક્તિગત સ્તરે સમીક્ષા કરે.
દિવંગતોને ભાવપૂર્ણ શોકાંજલિ
રાજ્યમાં ભારે વરસાદ અને તેના પગલે બનેલી વિવિધ દુર્ઘટનાઓ જેવી કે દીવાલ ધરાશાયી થવી, વૃક્ષ પડવું અને વીજળી પડવી જેવી ઘટનાઓમાં અકાળે મૃત્યુ પામેલા 11 નાગરિકોને આજે મંત્રીમંડળની બેઠકમાં શ્રદ્ધાંજલિ અર્પણ કરવામાં આવી હતી. મુખ્યમંત્રી અને સમગ્ર મંત્રીમંડળે દિવંગતોના આત્માની શાંતિ માટે પ્રાર્થના કરી હતી અને શોકગ્રસ્ત પરિવારજનો પ્રત્યે સંવેદના વ્યક્ત કરી હતી.
નોંધનીય છે કે ગુજરાતમાં છેલ્લા કેટલાક દિવસોથી વરસી રહેલા ભારે વરસાદે જનજીવનને વ્યાપક અસર પહોંચાડી છે. રાજ્યમાં સર્જાયેલી આ વરસાદી આફતને ધ્યાનમાં રાખીને આજે મુખ્યમંત્રી ભૂપેન્દ્ર પટેલની અધ્યક્ષતામાં કેબિનેટની બેઠક મળી હતી, જેમાં રાજ્યની વર્તમાન સ્થિતિની સર્વગ્રાહી સમીક્ષા કરવામાં આવી હતી.
આ પણ વાંચો: સુરતમાં ભારે વરસાદને લઇને AIMIM પ્રદેશ પ્રમુખ સાબિર કાબલીવાલાની જનતાને સુરક્ષા અપીલ
