US Iran Conflict Fighter Jets : ઇરાનનો જડબાતોડ પલટવારથી અમેરિકામાં દહેશત જોવા મળી રહી છે. ઇરાને ખાડી દેશમાં યુએસના અનેક બેઝ તબાહ કરી નાંખ્યા જેનાથી અંમેરિકામાં હાહાકાર જોવા મળી રહ્યો છે. ઈરાન સાથેના સંઘર્ષમાં અમેરિકાએ પોતાનીહવાઈ તાકાતમાં ધરખમ વધારો કર્યો છે. મધ્ય-પૂર્વમાં અસ્થિરતા અને ઈરાની આક્રમકતાને ધ્યાનમાં રાખીને અમેરિકાએ યુરોપના વિવિધ એર બેઝ પરથી ૫૦થી વધુ અત્યાધુનિક ફાઈટર જેટ્સ સેન્ટકોમ (CENTCOM) વિસ્તારમાં મોકલી આપ્યા છે. આ આક્રમક પગલાનો મુખ્ય ઉદ્દેશ્ય ઈરાનની મિસાઈલ અને ડ્રોન ક્ષમતાને કાયમી ધોરણે નષ્ટ કરવાનો અને ક્ષેત્રમાં પોતાની સર્વોપરિતા સાબિત કરવાનો છે.
US Iran Conflict Fighter Jets : કયા જેટ્સ ક્યાંથી તૈનાત થયા?
અમેરિકાએ જર્મની અને બ્રિટન સહિતના યુરોપિયન એર બેઝ પરથી પોતાની સૈન્ય તાકાત ખસેડી છે:
-
RAF લેકેનહેથ: ૧૫ F-35A અને ૧૨ F-15 ફાઈટર જેટ્સ.
-
એવિયાનો એર બેઝ: ૧૨ F-16 જેટ્સ.
-
સ્પેંગડહેલેમ એર બેઝ: ૧૨ F-16 જેટ્સ. આ સાથે જ અમેરિકાએ ‘એરિયલ રિફ્યુલિંગ’ (હવામાં ઈંધણ ભરવાના) વિમાનો પણ તૈનાત કર્યા છે, જે લાંબા અંતરના મિશન માટે અત્યંત મહત્વના છે.
અમેરિકાની વ્યૂહરચના: ઈરાનને ‘ડિટરન્સ’ (નિરોધક)ની ચેતવણી
છેલ્લા ૯ દિવસથી ચાલી રહેલા આ સંઘર્ષમાં ઈરાને જોર્ડન, કતાર અને બહેરીન સ્થિત અમેરિકી ઠેકાણાઓને નિશાન બનાવ્યા હતા, જેમાં અમેરિકી સૈનિકોને નુકસાન થયું હતું. હવે અમેરિકા આ હુમલાઓનો જવાબ વધુ તીવ્રતાથી આપવા તૈયાર છે.
-
સ્ટેલ્થ ટેકનોલોજી: F-35 જેવા ‘સ્ટેલ્થ’ જેટ્સ ઈરાનના રડારમાં આવ્યા વિના ચોક્કસ હુમલા કરવામાં સક્ષમ છે.
-
આક્રમક રણનીતિ: અમેરિકા હવે ઈરાનની બેલેસ્ટિક મિસાઈલ સાઈટ્સ, કમાન્ડ સેન્ટર્સ અને તેલ નિકાસ કેન્દ્રોને સંપૂર્ણપણે તોડી પાડવાની તૈયારી કરી રહ્યું છે.
વૈશ્વિક અસરો અને આર્થિક ભય
હોર્મુઝની સામુદ્રધુનીમાં ચાલી રહેલા આ ‘વોટર વોર’ને કારણે વૈશ્વિક તેલના ભાવમાં મોટો ઉછાળો જોવા મળી રહ્યો છે. ઈરાન પાસે હજુ પણ મિસાઈલ સ્ટોક હોવાનો દાવો છે, પરંતુ અમેરિકી હુમલાઓને કારણે તેના પાયાના માળખા (પુલ, પાણીના પ્લાન્ટ અને ઓઈલ રિફાઈનરી) ભારે ક્ષતિગ્રસ્ત થયા છે. મધ્ય-પૂર્વમાં આ સૈન્ય જમાવડો માત્ર ઈરાન માટે જ નહીં, પરંતુ સમગ્ર વિશ્વની અર્થવ્યવસ્થા માટે ચિંતાનો વિષય બન્યો છે.
આ પણ વાંચો: ફિફા વર્લ્ડ કપમાં સ્પેન વર્લ્ડ ચેમ્પિયન, ફાઈનલમાં આર્જેન્ટિનાને 1-0 થી હરાવ્યું
