ગ્રેટર નોઈડાના યમુના એક્સપ્રેસ-વે પર એરપોર્ટ ઈન્ટરચેન્જ નજીક બુધવારે રાત્રે 12 વાગ્યાની આસપાસ એક અત્યંત ગમખ્વાર અને હચમચાવી નાખનાર અકસ્માત સર્જાયો હતો. દિલ્હી અને નોઈડાથી મહોબા તરફ જઈ રહેલી રાજ કલ્પના ટ્રાવેલ્સની ડબલ ડેકર AC સ્લીપર બસમાં અચાનક ભીષણ આગ ફાટી નીકળી હતી. આ ભયાનક દુર્ઘટના સમયે બસમાં કુલ 35 મુસાફરો સવાર હતા, જેમાંથી અંદર ફસાયેલા 9 મુસાફરોના આગમાં બળી જવાથી કરૂણ મોત નીપજ્યા છે.
Greater Noida Bus Accident : એન્જિનમાંથી ફાટી નીકળી આગ
પ્રત્યક્ષદર્શીઓ અને બચેલા મુસાફરોના જણાવ્યા અનુસાર, આગ ડ્રાઈવર સીટ અને એન્જિન પાસેના ભાગમાંથી શરૂ થઈ હતી.
-
અચાનક આગ ફાટી નીકળી: ડ્રાઈવરે આગ જોતા જ સમજદારી વાપરીને બસને ઓવર ટેકિંગ લેનમાંથી બાજુ પર લીધી અને આગ ઓલવવાનો પ્રયાસ કર્યો હતો, પરંતુ આગે વિકરાળ સ્વરૂપ ધારણ કરી લીધું હતું.
-
અફરાતફરી અને શ્વાસ રૂંધાવાની ઘટના: બસની અંદર ધુમાડો ભરાઈ જવાથી મુસાફરોનો શ્વાસ રૂંધાવા લાગ્યો હતો અને ભારે અફરાતફરી મચી ગઈ હતી. પોતાનો જીવ બચાવવા માટે 20 થી વધુ મુસાફરો ઉતાવળમાં બસની બારીઓમાંથી નીચે કૂદી પડ્યા હતા.
-
9 લોકો જીવતા ભીષાયા: જોકે, અંદર ફસાઈ ગયેલા બાળકો, મહિલાઓ અને વૃદ્ધો સહિત 9 લોકો સમયસર બહાર નીકળી શક્યા ન હતા, અને આગની લપેટમાં આવવાથી તેમના કરૂણ મોત થયા હતા.
Greater Noida Bus Accident : કટરથી બસના પતરા કાપીને 9 મૃતદેહ બહાર કઢાયા
આ દુર્ઘટનાની જાણ થતાં જ પોલીસ, ફાયર વિભાગની 5 ગાડીઓ અને યમુના એક્સપ્રેસ-વે સુરક્ષા ટીમ તાત્કાલિક ઘટનાસ્થળે દોડી આવી હતી.
-
આગ પર કાબૂ: ફાયર ટીમે ભારે જહેમત બાદ 45 મિનિટમાં આગ પર કાબૂ મેળવી લીધો હતો, પરંતુ ત્યાં સુધીમાં આખી લક્ઝરી બસ બળીને સંપૂર્ણપણે ખાખ થઈ ચૂકી હતી.
-
મૃતદેહો હાડપિંજરમાં ફેરવાયા: આગ એટલી તીવ્ર અને ભીષણ હતી કે અંદર ફસાયેલા મૃતદેહો બળીને હાડપિંજરમાં ફેરવાઈ ગયા હતા.
-
કટરનો ઉપયોગ: લગભગ પાંચ કલાક સુધી ચાલેલા લાંબા બચાવ કાર્ય દરમિયાન સુરક્ષા ટીમોએ ગેસ કટરની મદદથી બસના પતરા કાપીને અંદરથી તમામ 9 મૃતદેહોને બહાર કાઢ્યા હતા.
