Rajasthan Bus Accident: રાજસ્થાનના કોટા જિલ્લામાં દિલ્હી-મુંબઈ એક્સપ્રેસ-વે પર વહેલી સવારે પેસેન્જર બસ અકસ્માતનો ભોગ બની હતી. બસ રસ્તા પરથી નીચે નાળામાં ખાબકતાં આઠ મુસાફરોના મોત થયા છે. અનેક મુસાફરો ઈજાગ્રસ્ત થયા છે અને તેમને સારવાર માટે હોસ્પિટલમાં ખસેડવામાં આવ્યા છે.
Rajasthan Bus Accident કોટા નજીક 15 ફૂટ ઊંડા નાળામાં ખાબકી બસ
પ્રાથમિક અહેવાલો અનુસાર, આ અકસ્માત શનિવારે, 17 ઓક્ટોબર 2026ના રોજ વહેલી સવારે કોટા જિલ્લાના કરાડિયા નજીક બન્યો હતો. દિલ્હીથી મુંબઈ તરફ જઈ રહેલી બસ અચાનક નિયંત્રણ ગુમાવી બેઠી હતી. ત્યારબાદ બસ એક્સપ્રેસ-વે પરથી નીચે ઉતરીને આશરે 15 ફૂટ ઊંડા નાળામાં ખાબકી હતી.
અકસ્મતમાં બસમાં સવાર મુસાફરોને ગંભીર ઈજાઓ પહોંચી હતી. ઘટનાની જાણ થતાં બચાવ કામગીરી હાથ ધરવામાં આવી હતી અને ઈજાગ્રસ્તોને એમ્બ્યુલન્સ દ્વારા હોસ્પિટલ પહોંચાડવામાં આવ્યા હતા.
આઠ મુસાફરોના મોત, ઈજાગ્રસ્તોની સારવાર ચાલુ
અકસ્મતને પગલે આઠ મુસાફરોના મોત થયાના અહેવાલ છે. ઈજાગ્રસ્તોને કોટાની હોસ્પિટલોમાં સારવાર માટે દાખલ કરવામાં આવ્યા છે. કેટલાક અહેવાલોમાં ઈજાગ્રસ્તોની સંખ્યા અલગ-અલગ જણાવવામાં આવી છે, તેથી અંતિમ આંકડો સત્તાવાર પુષ્ટિ બાદ જ સ્પષ્ટ થશે.
જિલ્લા કલેક્ટર પીયૂષ સામરિયા સહિતના અધિકારીઓ હોસ્પિટલ પહોંચ્યા હતા. ગંભીર ઈજાગ્રસ્તોની સારવાર માટે તબીબી ટીમો કાર્યરત છે.
અકસ્માતનું કારણ જાણવા તપાસ
બસ કયા કારણોસર નિયંત્રણ બહાર ગઈ તે અંગે તપાસ ચાલી રહી છે. પ્રાથમિક અહેવાલોમાં ડ્રાઇવરે વાહન પરનો કાબૂ ગુમાવ્યો હોવાનું જણાવાયું છે, જોકે અકસ્માતનું ચોક્કસ કારણ તપાસ બાદ સ્પષ્ટ થશે.
દિલ્હી-મુંબઈ એક્સપ્રેસ-વે પર બનેલી આ દુર્ઘટનાએ ફરી એકવાર માર્ગ સલામતી અને મુસાફરોની સુરક્ષાનો મુદ્દો ચર્ચામાં લાવ્યો છે.
