GSRTC employees DA hike ગુજરાત રાજ્ય માર્ગ વાહન વ્યવહાર નિગમ (GSRTC)ના કર્મચારીઓ માટે રાજ્ય સરકારે મહત્ત્વનો અને રાહતરૂપ નિર્ણય લીધો છે. મુખ્યમંત્રી ભૂપેન્દ્ર પટેલે ST નિગમના કર્મચારીઓના મોંઘવારી ભથ્થા (DA)માં 2%નો વધારો કરવાની મંજૂરી આપી છે. સરકારના આ નિર્ણયથી નિગમના હજારો કર્મચારીઓમાં આનંદની લાગણી છે. નવા વધારા બાદ હવે ST નિગમના કર્મચારીઓને 60%ના દરે મોંઘવારી ભથ્થું ચુકવાશે.
GSRTC employees DA hike એરિયર્સ પણ ચુકવાશે
આ વધારાના ભથ્થાનું બાકી એરિયર્સ પણ કર્મચારીઓને ચુકવવામાં આવશે. આ પહેલાં જૂન 2026માં સરકારે DAમાં 3%નો વધારો કરી તેને 55%થી વધારીને 58% કર્યું હતું. હવે ફરીથી 2%નો વધારો કરતાં ભથ્થું 60% પર પહોંચ્યું છે. દર મહિને મળતા પગાર સાથે ભથ્થાની રકમ વધવાથી કર્મચારીઓની માસિક આવકમાં સીધો વધારો થશે. એરિયર્સની રકમ એકસાથે ચુકવાતાં તહેવારોની સિઝનમાં કર્મચારીઓને વધારાનો નાણાકીય લાભ પણ મળશે.
દર છ મહિને થાય છે ગણતરી
મોંઘવારી ભથ્થું સરકારી કર્મચારીઓ, જાહેર ક્ષેત્રના કર્મચારીઓ અને પેન્શનધારકોને વધતી મોંઘવારી સામે જીવનધોરણ જાળવવામાં મદદ કરવા અપાતો નાણાકીય લાભ છે. દેશમાં પ્રવર્તમાન મોંઘવારી દર અને ગ્રાહક ભાવાંકના આધારે દર છ મહિને તેની ગણતરી થાય છે. આ ભથ્થું કર્મચારીના મૂળ પગાર પર આધારિત હોય છે. વિસ્તાર મુજબ (શહેરી, અર્ધ-શહેરી કે ગ્રામીણ) ભથ્થું અલગ હોઈ શકે છે. ST કર્મચારીઓના DAની ગણતરી કેન્દ્ર અને રાજ્ય સરકારના નિર્ધારિત ધારાધોરણો મુજબ થાય છે, અને સામાન્ય રીતે સાતમા પગાર પંચ હેઠળ ચોક્કસ સરકારી ફોર્મ્યુલા અને રાજ્ય મંત્રીમંડળની મંજૂરીના આધારે અમલમાં મુકાય છે.
મહેમદાબાદ નગરપાલિકા પ્રમુખ પ્રશાંતભાઈ પટેલ સામે ભાજપના 10 સભ્યોની અવિશ્વાસ દરખાસ્ત
