એટલાન્ટિક મહાસાગરમાં ક્રૂઝ શિપ પર ‘હંતા વાયરસ’નો કહેર: ત્રણ પ્રવાસીઓના મોતથી વિશ્વ આરોગ્ય સંસ્થા સ્તબ્ધ

HantaVirus Cruise Ship: એટલાન્ટિક મહાસાગર [Atlantic Ocean] માં મુસાફરી કરી રહેલા એક લક્ઝરી ક્રૂઝ શિપ પર હંતા વાયરસ [HantaVirus] ના પ્રકોપને કારણે ત્રણ લોકોના કમકમાટીભર્યા મોત નિપજ્યા છે. વિશ્વ આરોગ્ય સંસ્થા [World Health Organization – WHO] અને દક્ષિણ આફ્રિકાના આરોગ્ય વિભાગે આ ઘટનાની પુષ્ટિ કરતા જણાવ્યું છે કે સંક્રમણના કારણે એક વૃદ્ધ દંપતીએ પણ જીવ ગુમાવ્યો છે. હાલમાં જહાજ પર અન્ય ત્રણ લોકો ગંભીર રીતે બીમાર છે, જે પૈકી એક બ્રિટિશ નાગરિક દક્ષિણ આફ્રિકાની હોસ્પિટલમાં આઈસીયુ [ICU] માં જીવન-મરણ વચ્ચે ઝોલા ખાઈ રહ્યો છે.

સમુદ્રની વચ્ચે ફસાયેલું MV હોન્ડિયસ જહાજ (HantaVirus Cruise Ship)

આ શિપનું નામ MV હોન્ડિયસ [MV Hondius] છે, જે ડચ કંપની ઓશનવાઈડ એક્સપિડિશન્સ [Oceanwide Expeditions] દ્વારા સંચાલિત છે. આ જહાજ ત્રણ અઠવાડિયા પહેલા આર્જેન્ટિના [Argentina] થી એન્ટાર્કટિકા અને ફોકલેન્ડ ટાપુ [Falkland Islands] ની યાત્રાએ નીકળ્યું હતું. હાલમાં આ જહાજ આફ્રિકાના પશ્ચિમ કિનારે કેપ વર્ડે [Cape Verde] પાસે ઉભું છે. સ્થાનિક સત્તાવાળાઓએ વાયરસના ડરથી કોઈ પણ મુસાફરને જહાજ પરથી નીચે ઉતરવાની મંજૂરી આપી નથી. બીમાર પડેલા લોકોમાં બે ક્રૂ સભ્યોનો પણ સમાવેશ થાય છે જેમને તાત્કાલિક મેડિકલ સહાયની જરૂર છે.

ક્રૂઝ પર મોતનો સિલસિલો અને કોન્ટેક્ટ ટ્રેસિંગ (Fatalities and Contact Tracing)

જહાજ પર પ્રથમ મોત ૭૦ વર્ષના વૃદ્ધનું થયું હતું. તેમના મૃતદેહને સેન્ટ હેલેના [Saint Helena] ટાપુ પર ઉતારવામાં આવ્યો હતો. આઘાતજનક બાબત એ છે કે તેમની પત્ની જ્યારે નેધરલેન્ડ્સ જવા માટે દક્ષિણ આફ્રિકાના એરપોર્ટ પર હતી ત્યારે અચાનક બેભાન થઈ ગઈ અને હોસ્પિટલમાં તેનું પણ મોત થયું. દક્ષિણ આફ્રિકાની ચેપી રોગ સંસ્થા [NICD] એ હવે જોહાનિસબર્ગ [Johannesburg] માં કોન્ટેક્ટ ટ્રેસિંગ શરૂ કર્યું છે જેથી વાયરસના ફેલાવાને રોકી શકાય.

હંતા વાયરસ: લક્ષણો અને જોખમો (HantaVirus Symptoms and Risks)

હંતા વાયરસ મુખ્યત્વે ઉંદરોના મળ-મૂત્ર, લાળ કે પેશાબના સંપર્કમાં આવવાથી ફેલાય છે. તે માણસના ફેફસાં અને કિડની પર સીધી અસર કરે છે.

• લક્ષણો: તાવ, શરદી, સ્નાયુઓનો દુખાવો અને શ્વાસ લેવામાં તકલીફ.

• મૃત્યુદર: નિષ્ણાતોના મતે આ વાયરસમાં મૃત્યુદર અંદાજે ૩૮ ટકા [38% Fatality Rate] જેટલો ઉંચો હોય છે.

• સારવાર: આ બીમારીની કોઈ ચોક્કસ દવા કે રસી નથી, માત્ર સમયસર મેડિકલ કેર જ જીવ બચાવી શકે છે.

આ પણ વાંચો: ચૂંટણીમાં NOTA નો દબદબો: 29 રાજકીય પક્ષો કરતા વધુ વોટ મળ્યા