India vs England T20I Result : નૉટિંગહામ: નૉટિંગહામના ટ્રેન્ટ બ્રિજ ક્રિકેટ સ્ટેડિયમ ખાતે રમાયેલી ઈંગ્લેન્ડ અને ભારત વચ્ચેની પાંચ મેચની T20I સીરિઝની ત્રીજી મેચમાં ભારતને ૧૨૫ રનના મોટા અંતરથી કારમી હારનો સામનો કરવો પડ્યો છે. T20I ક્રિકેટના ઈતિહાસમાં ભારતની આ અત્યાર સુધીની સૌથી મોટી હાર છે. ૨૦૨ રનના લક્ષ્યાંકનો પીછો કરવા ઉતરેલી ભારતીય ટીમ માત્ર ૧૧.૪ ઓવરમાં ૭૬ રનમાં જ સમેટાઈ ગઈ હતી. આ પરાજય સાથે ઈંગ્લેન્ડે સીરિઝમાં ૨-૦ થી સરસાઈ મેળવી લીધી છે.
India vs England T20I Result ઈંગ્લેન્ડની બેટિંગ: ફિલ સોલ્ટ અને સેમ કરનનું પ્રભુત્વ
ભારતે ટોસ જીતીને પ્રથમ બોલિંગ કરવાનો નિર્ણય લીધો હતો. પ્રથમ બેટિંગ કરતા ઈંગ્લેન્ડે નિર્ધારિત ૨૦ ઓવરમાં ૭ વિકેટના નુકસાને ૨૦૧ રન બનાવ્યા હતા. ઈંગ્લેન્ડ તરફથી ફિલ સોલ્ટે (Phil Salt) ૭૦ રન, જોસ બટલરે (Jos Buttler) ૩૬ રન અને સેમ કરને (Sam Curran) અણનમ ૪૧ રનની શાનદાર ઈનિંગ રમી હતી. ભારત તરફથી પ્રિન્સ અને હર્ષિતે ૨-૨ વિકેટ ઝડપી હતી.
ભારતીય બેટિંગનો ફિયાસ્કો: પાવરપ્લેમાં જ ૫ વિકેટ ગુમાવી
૨૦૨ રનના લક્ષ્યાંક સામે ભારતીય બેટ્સમેનો સંપૂર્ણપણે નિષ્ફળ રહ્યા હતા. ધીમી પીચ પર ઈંગ્લેન્ડના બોલરો સામે ભારતીય બેટ્સમેનો લાચાર દેખાયા હતા. ટીમ ઈન્ડિયાએ T20I ફોર્મેટમાં પ્રથમ વખત પાવરપ્લેમાં જ ૫ વિકેટ ગુમાવી દીધી હતી. ભારતનો આ ફોર્મેટમાં આ બીજો સૌથી ન્યૂનતમ સ્કોર છે. ભારત તરફથી સર્વાધિક ૧૩-૧૩ રન વૈભવ સૂર્યવંશી અને ઈશાન કિશને બનાવ્યા હતા.
ઈંગ્લેન્ડના બોલરોનો કમાલ
ઈંગ્લેન્ડના બોલરોએ શિસ્તબદ્ધ બોલિંગ કરીને ભારતીય ઈનિંગની કમર તોડી નાખી હતી. જોશ ટંગે (Josh Tongue) ઘાતક બોલિંગ કરતા ૪ વિકેટ ચટકાવી હતી, જ્યારે જોફ્રા આર્ચરે (Jofra Archer) ૩ વિકેટ મેળવી હતી. આ ઉપરાંત, આદિલ રશીદે ૨ અને જેક્સે ૧ વિકેટ ઝડપી હતી. ભારતીય ટીમ માત્ર ૭૬ રનમાં ઓલઆઉટ થઈ જતાં ઈંગ્લેન્ડે ૧૨૫ રનના વિશાળ અંતરથી મેચ જીતી લીધી હતી.
આ પણ વાંચો: પૃથ્વી શોની સગાઈ તૂટી: મંગેતરે લગાવ્યા ગંભીર આરોપ, જાણો શું છે મામલો
