Kajal Maheriya Marriage: ગુજરાતની લોકપ્રિય સિંગર કાજલ મહેરિયા [Kajal Maheriya] ના લગ્નને લઈને મોટો રાજકીય અને સામાજિક વિવાદ સામે આવ્યો છે. પરિવારની સંમતિ વિના અને સમાજને અંધારામાં રાખીને કરવામાં આવેલા આ પ્રેમલગ્નને [Love Marriage] કારણે મહેરિયા પરિવારમાં ભારે રોષ જોવા મળી રહ્યો છે. કાજલના ભાઈ સંદીપભાઈએ સોશિયલ મીડિયા પર ઈમોશનલ પોસ્ટ મૂકીને સમાજ પાસે ન્યાયની માંગ કરી છે, જેના કારણે આ સમગ્ર મામલો હવે પોલીસ સ્ટેશન સુધી પહોંચ્યો છે.
શેરથા ગામે પોલીસનો ચુસ્ત બંદોબસ્ત (Kajal Maheriya Marriage)
રવિવારે આ વિવાદ ત્યારે વધુ ગંભીર બન્યો જ્યારે કાજલ મહેરિયાનો પરિવાર અને સમાજના અગ્રણીઓ લગભગ 70 લોકોના કાફલા સાથે ગાંધીનગરના શેરથા [Shertha] ગામે કાજલના સાસરી પક્ષે પહોંચ્યા હતા. અચાનક મોટી સંખ્યામાં લોકો ઉમટી પડતા અફરાતફરી મચી ગઈ હતી. પરિસ્થિતિને વણસતી જોઈ કાજલના પતિએ તાત્કાલિક 112 પર કોલ કરીને પોલીસની મદદ માંગી હતી, જેના પગલે અડાલજ પોલીસ [Adalaj Police] સ્ટેશનનો કાફલો ઘટનાસ્થળે દોડી આવ્યો હતો.
View this post on Instagram
અડાલજ પોલીસ મથકે પૂછપરછ અને કાજલનો ખુલાસો (Adalaj Police Inquiry and Clarification)
અડાલજ પીઆઈ એસ.જી. દેસાઈના [PI S.G. Desai] જણાવ્યા અનુસાર, પરિવારે રજૂઆત કરી હતી કે તેમને કાજલના લગ્ન અંગે કોઈ સત્તાવાર જાણકારી આપવામાં આવી નથી. પોલીસ સમક્ષ હાજર થયેલી ગાયિકા કાજલ મહેરિયાએ સ્પષ્ટતા કરી હતી કે તેણે પોતાની મરજીથી લગ્ન કરી લીધા છે. તેણે પોલીસને ખાતરી આપી છે કે તે ટૂંક સમયમાં મેરેજ સર્ટિફિકેટ [Marriage Certificate] રજૂ કરશે. હાલ પોલીસે બંને પક્ષોની વાત સાંભળીને તેમને રવાના કર્યા છે, જોકે હજુ સુધી કોઈ સત્તાવાર ફરિયાદ નોંધાઈ નથી.
સોશિયલ મીડિયા પર પોસ્ટ વાયરલ (Social Media Post Viral)
કાજલના ભાઈની પોસ્ટ હાલ સોશિયલ મીડિયા [Social Media] પર વાયુવેગે વાયરલ થઈ રહી છે. મહેરિયા પરિવારે ગોઢવા ગામ [Godhva Village] અને મહેરિયા સમાજને [Maheriya Samaj] અપીલ કરી છે કે સામાજિક મર્યાદાના ભંગ સામે તેમને સમર્થન મળે. અગાઉ પણ અનેક ગુજરાતી કલાકારોના અંગત જીવનના વિવાદો જાહેરમાં આવ્યા છે, ત્યારે કાજલ મહેરિયાનું લગ્ન પ્રમાણપત્ર જાહેર થયા બાદ જ આ મામલે ચિત્ર વધુ સ્પષ્ટ થશે.
આ પણ વાંચો: ધંધુકા હત્યાકાંડ: બાઈક વિવાદમાં યુવકની હત્યા, SIT ની રચના
