PM Modi Jhalmuri West Bengal: પશ્ચિમ બંગાળ વિધાનસભા ચૂંટણી [West Bengal Assembly Election] ના પ્રચાર મેદાનમાં વ્યસ્ત વડાપ્રધાન નરેન્દ્ર મોદીનો [PM Narendra Modi] એક અલગ અને જનતા સાથે સીધો સંવાદ કરતો અંદાજ રવિવારે જોવા મળ્યો હતો. ઝારગ્રામમાં [Jhargram] જનસભા સંબોધ્યા બાદ પીએમ મોદી અચાનક રોડ સાઈડ પર આવેલી એક નાની લારી પર પહોંચ્યા હતા. પીએમ મોદીએ સામાન્ય નાગરિકની જેમ જ દુકાનદારને અવાજ લગાવીને પૂછ્યું કે, “ભાઈ, મને સરસ ઝાલમુરી [Jhalmuri] ખવડાવો.” વડાપ્રધાનનો આ સાદગીભર્યો વીડિયો સોશિયલ મીડિયા [Social Media] પર આવતાની સાથે જ મિલિયન વ્યૂઝ પાર કરી ગયો છે.
વ્યસ્ત ચૂંટણી પ્રચાર વચ્ચે ઝાલમુરી બ્રેક (PM Modi Jhalmuri West Bengal)
વડાપ્રધાને પશ્ચિમ બંગાળમાં રવિવારે બિષ્ણુપુર, ઝારગ્રામ અને મેદિનીપુર સહિત ચાર મોટી જનસભાઓ ગજવી હતી. આ વ્યસ્ત શિડ્યુલ [Busy Schedule] વચ્ચે તેમણે સ્થાનિક દુકાનદાર પાસેથી 10 રૂપિયાની ઝાલમુરી ખરીદી હતી. જ્યારે દુકાનદારે તેમને પૂછ્યું કે, “સર, શું તમે ડુંગળી ખાશો?” ત્યારે પીએમ મોદીએ રમૂજમાં ઉત્તર આપ્યો કે, “હા, બસ ડુંગળી ખાઉં છું, કોઈનું મગજ નથી ખાતો.” આ મજાકની ક્ષણોએ ત્યાં હાજર સુરક્ષાકર્મીઓ અને સ્થાનિક લોકોના દિલ જીતી લીધા હતા.
Jhalmuri break in Jhargram! pic.twitter.com/LJNjEojAW4
— Narendra Modi (@narendramodi) April 19, 2026
દુકાનદારને જાતે આપ્યા રૂપિયા (PM Modi interaction with Local Vendor)
પીએમ મોદીએ માત્ર ઝાલમુરીનો આનંદ જ ન લીધો, પરંતુ વ્યાવસાયિક નૈતિકતાના ભાગરૂપે પોતાના ખિસ્સામાંથી 10 રૂપિયાની નોટ કાઢીને દુકાનદારને આપી હતી. દુકાનદારે શરૂઆતમાં રૂપિયા લેવાની ના પાડી, પરંતુ પીએમ મોદીએ આગ્રહ કરીને તેને રકમ ચૂકવી હતી. દુકાનદારે દેશના વડાપ્રધાન પાસેથી મળેલી આ ભેટને શિરોધાર્ય ગણીને નોટને માથે લગાવી આશીર્વાદ લીધા હતા. પીએમ મોદીએ આ અંગે એક્સ (X) પર પોસ્ટ કરીને લખ્યું કે, “ચટપટા મમરાનો આ સ્વાદ બંગાળના પ્રવાસની યાદોમાં ઉમેરો કરે છે.”
ব্যস্ত রবিবারে পশ্চিমবঙ্গ জুড়ে চারটি জনসভার ফাঁকে, ঝাড়গ্রামে সুস্বাদু ঝালমুড়ি খেলাম। pic.twitter.com/VqIrc0zrmR
— Narendra Modi (@narendramodi) April 19, 2026
બંગાળનો લોકપ્રિય સ્વાદ અને પીએમ મોદીની પોસ્ટ (Popularity of Jhalmuri in West Bengal)
પશ્ચિમ બંગાળમાં ઝાલમુરી [Spicy Puffed Rice] એ સૌથી પ્રિય સ્ટ્રીટ ફૂડ છે. તેમાં મમરા, ડુંગળી, બટાકા, સરસવનું તેલ અને ચાટ મસાલાનું મિશ્રણ હોય છે. પીએમ મોદીએ આ પ્રવાસ દરમિયાન સ્થાનિક સંસ્કૃતિ અને સ્વાદ સાથે જોડાવાનો પ્રયાસ કર્યો છે. સોશિયલ મીડિયા પ્લેટફોર્મ પર આ વીડિયોને શેર કરતા પીએમ મોદીએ રોડ શો [Roadshow] અને જનસભાઓ વચ્ચેની આ હળવી ક્ષણોને જનતા સાથે વહેંચી છે.
આ પણ વાંચો: કાજલ મહેરિયાના લગ્નનો વિવાદ; 70 લોકોના કાફલા સાથે પરિવાર પહોંચ્યો
