Kerala Monsoon 2026: દેશભરમાં કાળઝાળ ગરમી અને અસહ્ય ઉકળાટથી પરેશાન નાગરિકો માટે આખરે રાહતના મોટા સમાચાર સામે આવ્યા છે. ભારતીય હવામાન વિભાગે [IMD] સત્તાવાર જાહેરાત કરી છે કે દક્ષિણ-પશ્ચિમ ચોમાસું [South-West Monsoon] નિર્ધારિત સમયની આસપાસ કેરળમાં પ્રવેશી ચૂક્યું છે. આ સાથે જ દેશમાં સૌથી મહત્વપૂર્ણ વરસાદી ઋતુનો વિધિવત પ્રારંભ થઈ ગયો છે. કેરળમાં એન્ટ્રી બાદ હવે ચોમાસું ઝડપથી આગળ વધી રહ્યું છે, ત્યારે ગુજરાત સહિત ઉત્તર ભારતના રાજ્યો પણ આતુરતાથી મેઘરાજાની રાહ જોઈ રહ્યા છે.
Kerala Monsoon 2026 : કેરળના 8 જિલ્લાઓમાં ‘ઓરેન્જ એલર્ટ’
ચોમાસાના આગમન સાથે જ કેરળના વિવિધ ભાગોમાં મેઘરાજાએ ધમાકેદાર બેટિંગ શરૂ કરી દીધી છે. હવામાન વિભાગે આગામી 4 જૂનથી 9 જૂન સુધી રાજ્યમાં ભારેથી અતિભારે વરસાદની આગાહી [Heavy Rainfall Prediction] કરી છે. કેટલાક વિસ્તારોમાં 7 થી 20 સેન્ટિમીટર સુધી વરસાદ ખાબકી શકે છે. જેને પગલે તિરુવનંતપુરમ, કોલ્લમ, અલાપ્પુઝા, અને એર્નાકુલમ સહિતના 8 દરિયાકાંઠાના જિલ્લાઓમાં ‘ઓરેન્જ એલર્ટ’ [Orange Alert] જાહેર કરવામાં આવ્યું છે અને નીચાણવાળા વિસ્તારોમાં લોકોને સાવચેત રહેવા જણાવાયું છે.
ગુજરાત તરફ ઝડપથી આગળ વધી રહ્યું છે ચોમાસું [Monsoon Progress]
હવામાન વિભાગના જણાવ્યા અનુસાર, અરબી સમુદ્ર અને બંગાળની ખાડીમાં સર્જાયેલી સાનુકૂળ પરિસ્થિતિઓને કારણે ચોમાસું ઝડપથી આગળ વધી રહ્યું છે. આગામી દિવસોમાં મહારાષ્ટ્ર, કર્ણાટક, તમિલનાડુ અને ઉત્તર-પૂર્વીય રાજ્યોમાં વરસાદનો વ્યાપ વધશે અને ત્યારબાદ તે ગુજરાતમાં [Gujarat Monsoon] દસ્તક દેશે. IMD એ ચોમાસાની પ્રગતિ સાથે 40 થી 50 કિલોમીટર પ્રતિ કલાકની ઝડપે જોરદાર પવન ફૂંકાવાની અને વાવાઝોડાની [Thunderstorms] ચેતવણી આપી છે, જેનાથી તાપમાનમાં ઘટાડો થશે અને લોકોને હીટવેવમાંથી કાયમી રાહત મળશે.
આ પણ વાંચો: દિલ્હી હોટલ ફાયર: માલવીયા નગરમાં આગથી ૨૧ના મોત, માલિક સામે તપાસ
