હમાસ ચીફ ઈસ્માઈલ હાનિયા અને હિઝબુલ્લાના ચીફ હસન નસરાલ્લાહના મોત બાદ ઈરાને ઈઝરાયેલ પર ઝડપથી હુમલો કર્યો. તેણે ક્લસ્ટરબોમ્બથી નિશાન બનાવ્યું. આવી સ્થિતિમાં સવાલ એ થાય છે કે આ ક્લસ્ટર બોમ્બ શું છે? તેમની ઘાતકતા શું છે?
થોડા દિવસો પહેલા જ્યારે અમેરિકાએ જાહેરાત કરી હતી કે તે યુક્રેનને ક્લસ્ટર બોમ્બ સપ્લાય કરવા જઈ રહ્યું છે ત્યારે રશિયાની હાલત ખરાબ થઈ ગઈ હતી. કારણ કે તે એટલા ઘાતક છે કે 100 થી વધુ દેશોએ આ ક્લસ્ટર બોમ્બના ઉપયોગ પર પ્રતિબંધ મૂક્યો છે.
ક્લસ્ટરબોમ્બ એક એવું હથિયાર છે જેમાં ઘણા નાના બોમ્બ રાખવામાં આવે છે. આ બોમ્બને મિસાઈલના ઉપરના ભાગમાં ફીટ કરવામાં આવે છે અને જ્યારે મિસાઈલ ફૂટે છે ત્યારે એક સાથે અનેક બોમ્બ ફૂટે છે જેને કાબૂમાં લેવા ખૂબ જ મુશ્કેલ હોય છે. નાના બોમ્બને સબમ્યુનિશન અથવા બોમ્બલેટ કહેવામાં આવે છે. આ બોમ્બ ફાઈટર જેટ, બોમ્બર પ્લેન અને મિસાઈલથી છોડી શકાય છે.
બીજા વિશ્વયુદ્ધ દરમિયાન ક્લસ્ટર બોમ્બનો સૌથી વધુ ઉપયોગ કરવામાં આવ્યો હતો. તેને વિમાનોમાંથી છોડવાથી ઘણું નુકસાન થયું હતું. ઘણી વખત તેમાં હાજર નાના બોમ્બ વિસ્ફોટ થતા નથી અને બાદમાં જ્યારે કોઈ માણસ તેમના સંપર્કમાં આવે છે ત્યારે વિસ્ફોટ થાય છે. વિશ્વના 34 દેશો પાસે વિવિધ પ્રકારના 200 ક્લસ્ટર બોમ્બ છે. તેમનું વજન 20 કિલોગ્રામથી વધુ નથી.
આ પણ વાંચો – ઈરાનના હુમલા બાદ બંકરમાં છુપાયા નેતન્યાહુ અને મંત્રીઓ!
