Gujarat Local Body Election 2026: ગુજરાત સ્થાનિક સ્વરાજ્યની ચૂંટણી [Gujarat Local Body Election] માટેનો જાહેર પ્રચાર શુક્રવારે સાંજે શાંત થયો છે. રાજ્યમાં 26મી એપ્રિલે 15 મહાનગરપાલિકાઓ [Municipal Corporations] સહિત કુલ 393 સ્થાનિક સંસ્થાઓ માટે મતદાન પ્રક્રિયા હાથ ધરાશે. આવતા વર્ષે યોજાનારી વિધાનસભા ચૂંટણી પહેલા આ ચૂંટણીઓને રાજકીય પક્ષો માટે લિટમસ ટેસ્ટ માનવામાં આવી રહ્યો છે. ખાસ કરીને અમદાવાદ [Ahmedabad], સુરત [Surat], વડોદરા [Vadodara] અને રાજકોટ [Rajkot] ના પરિણામો રાજ્યના રાજકારણની દિશા નક્કી કરશે.
ચૂંટણીના મહત્વના આંકડા (Gujarat Local Body Election 2026)
આ ચૂંટણી જંગમાં 15 મહાનગરપાલિકા, 84 નગરપાલિકા, 260 તાલુકા પંચાયત અને 34 જિલ્લા પંચાયતોનો સમાવેશ થાય છે. 26 એપ્રિલના રોજ સવારે 7 થી સાંજે 6 વાગ્યા સુધી મતદાન થશે, જ્યારે જરૂર જણાયે 27 એપ્રિલ રિઝર્વ ડે તરીકે રખાયો છે. 28 એપ્રિલે 9,297 બેઠકો પર લડી રહેલા 25,579 ઉમેદવારોના ભાવિનો ફેંસલો થશે.
અમદાવાદ: કોંગ્રેસ માટે અસ્તિત્વની લડાઈ (Ahmedabad Municipal Corporation Election)
2030 કોમનવેલ્થ ગેમ્સની [Commonwealth Games 2030] યજમાની માટે સજ્જ થઈ રહેલા અમદાવાદમાં ભાજપનો દબદબો છે. ગત ચૂંટણીમાં ભાજપે 192 માંથી 159 બેઠકો જીતી હતી. કોંગ્રેસે [Congress] પોતાની જમીન બચાવવા માટે શહેઝાદ ખાન પઠાણ [Shehzad Khan Pathan] જેવા નેતાઓ પર દાવ ખેલ્યો છે, ત્યારે AIMIM ની હાજરી વચ્ચે કોંગ્રેસ વિરોધ પક્ષનું પદ જાળવી રાખશે કે કેમ તે જોવું રહ્યું.
સુરત: ‘આપ’ સામે જૂનું પ્રદર્શન દોહરાવવાનો પડકાર (Surat AAP vs BJP)
હીરા નગરી સુરતમાં આમ આદમી પાર્ટીએ [Aam Aadmi Party] ગત વખતે 17 બેઠકો જીતીને સૌને ચોંકાવ્યા હતા. જોકે, હાલમાં દિલ્હી અને પંજાબમાં પક્ષની આંતરિક ખેંચતાણ અને નેતાઓના બળવા બાદ સુરતમાં ‘આપ’ નું ગત પ્રદર્શન જળવાશે કે કેમ તેના પર નિષ્ણાતોની નજર છે. સુરતની 120 બેઠકો પર ભાજપ [BJP] અને ‘આપ’ વચ્ચે સીધો જંગ છે.
વડોદરા અને રાજકોટના બદલાયેલા સમીકરણો (Vadodara and Rajkot Civic Polls)
વડોદરામાં ભાજપ માટે આંતરિક બળવાખોરી અને ભ્રષ્ટાચારના આક્ષેપો પડકારરૂપ છે. અહીં શ્રીવાસ્તવ બ્રધર્સ [Srivastava Brothers] પણ ભાજપ સામે મેદાને છે. બીજી તરફ, રાજકોટમાં [Rajkot] ટીઆરપી ગેમઝોન અગ્નિકાંડ [TRP Gamezone Fire] અને ક્ષત્રિય સમાજનો રોષ ચૂંટણી પરિણામો પર અસર કરી શકે છે. રાજકોટમાં કોંગ્રેસે નયનાબા જાડેજા [Nayanaba Jadeja] અને આરજે આભા [RJ Abha] જેવા નવા ચહેરાઓને મેદાને ઉતાર્યા છે. નોંધનીય છે કે, પૂર્વ સીએમ વિજય રૂપાણીના [Vijay Rupani] નિધન બાદ રાજકોટમાં આ પ્રથમ મોટી ચૂંટણી છે.
આ પણ વાંચો: UPના રાજ્યપાલ આનંદીબેન પટેલે જલારામ બાપાના કર્યા દર્શન
