Amirgarh Fuel Shortage : બનાસકાંઠાના સરહદી વિસ્તાર એવા અમીરગઢ પંથકમાં પેટ્રોલ અને ડીઝલની ભારે અછત સર્જાઈ છે. અમીરગઢ આસપાસના અંદાજે 15 જેટલા પેટ્રોલ પંપો પર ઈંધણનો સ્ટોક ખલાસ થઈ જતાં વાહનચાલકોની હાલત કફોડી બની છે. નેશનલ હાઈવે પર સ્થિત પંપો પર પણ ‘નો સ્ટોક’ ના બોર્ડ લાગતા લાંબા અંતરના મુસાફરો અને સ્થાનિકો મુશ્કેલીમાં મુકાયા છે.
Amirgarh Fuel Shortage: પેટ્રોલ પંપો પર ‘નો સ્ટોક’ ના બોર્ડ
છેલ્લા બે-ત્રણ દિવસથી અમીરગઢ વિસ્તારમાં ઈંધણની પૂર્તિ ખોરવાઈ હોવાનું સામે આવ્યું છે.
ખાલી પંપો: અમીરગઢ અને તેની આસપાસના અંદાજે 15 જેટલા પેટ્રોલ પંપો પર હાલમાં પેટ્રોલ કે ડીઝલ ઉપલબ્ધ નથી.
મુસાફરોની હાલાકી: ગુજરાત-રાજસ્થાન બોર્ડર પર હોવાથી અહીંથી મોટી સંખ્યામાં વાહનો પસાર થાય છે, પરંતુ ઈંધણ ન મળતા વાહનો રસ્તામાં જ અટવાઈ પડવાની ભીતિ સેવાઈ રહી છે.
અન્ય પંપો પર ધસારો: જે પંપો પર થોડો ઘણો સ્ટોક બચ્યો છે ત્યાં વાહનોની લાંબી કતારો જોવા મળી રહી છે.
ખેડૂતો અને ટ્રાન્સપોર્ટરો મુશ્કેલીમાં
ડીઝલની અછતની સૌથી મોટી અસર ખેતીવાડી અને ટ્રાન્સપોર્ટ ઉદ્યોગ પર પડી રહી છે.
સીઝનલ ખેતી: હાલમાં ખેતીકામની સીઝન ચાલતી હોય, ટ્રેક્ટરો માટે ડીઝલ ન મળતા ખેડૂતો ચિંતામાં મુકાયા છે.
માલસામાનની હેરફેર: ટ્રક ચાલકોને પણ ડીઝલ માટે એક પંપથી બીજા પંપે ભટકવું પડી રહ્યું છે, જેના કારણે માલસામાનની હેરફેરમાં વિલંબ થઈ રહ્યો છે.
સપ્લાય ચેઈનમાં વિક્ષેપનું કારણ?
ઈંધણની અછત પાછળ કંપનીઓ દ્વારા સપ્લાયમાં કાપ મૂકવામાં આવ્યો છે કે ટ્રાન્સપોર્ટેશનની કોઈ સમસ્યા છે તે અંગે હજુ સ્પષ્ટતા થઈ નથી. જોકે, પેટ્રોલ પંપ સંચાલકોના જણાવ્યા મુજબ, પાછળથી જ માલ ન આવતા હોવાથી તેઓ વિ લાચાર છે. તંત્ર દ્વારા આ બાબતે સત્વરે ધ્યાન આપીને ઈંધણનો પુરવઠો પૂર્વવત કરવામાં આવે તેવી માંગ ઉઠી રહી છે.
આ પણ વાંચો: વડાલીના શિક્ષકોએ રામપુર નર્સરીની મુલાકાત લીધી: પર્યાવરણ જાળવણીનો સંકલ્પ કર્યો
