કોમી એકતાના સંદેશ સાથે યોજાઈ શ્રી પંચશીલ ક્રેડિટ સોસાયટીની વાર્ષિક સાધારણ સભા, મુફતી રીઝવાન તારાપુરી રહ્યા ઉપસ્થિત

 Panchsheel Credit Society સામાજિક સૌહાર્દ અને ભાઈચારાના અનોખા સંદેશ સાથે તાજેતરમાં એક પ્રેરણાદાયી આયોજન જોવા મળ્યું છે. શ્રી પંચશીલ ક્રેડિટ એન્ડ કન્ઝ્યુમર કો-ઓપરેટીવ સોસાયટી લિમિટેડ [SHREE PANCSHEEL CREDIT & CONSUMER CO.OP.SOCIETY LTD.] ની વાર્ષિક સામાન્ય સભા (Annual General Meeting) નું ભવ્ય આયોજન કરવામાં આવ્યું હતું. આ વાર્ષિક બેઠકનું મુખ્ય આકર્ષણ કોમી એકતા અને પરસ્પર સદભાવનાનું પ્રતીક બન્યું હતું, જેમાં ખાસ ઉદ્દેશ્ય હેઠળ જામિયા ઇબ્ને અબ્બાસના પ્રમુખ મુફતી રીઝવાન તારાપુરીને વિશેષ મહેમાન તરીકે આમંત્રિત કરવામાં આવ્યા હતા.

 Panchsheel Credit Society કોમી એકતા અને ભાઈચારાનો સંદેશ

 આ વાર્ષિક સાધારણ સભા ૦૯-૦૮-૨૦૨૬, રવિવારના રોજ યોજાઈ હતી. જેમાં વિવિધ ધર્મ અને સમાજના આગેવાનો એક મંચ પર એકત્રિત થયા હતા. કોમી એકતાના ઉદ્દેશ્યને સાર્થક કરતા મુફતી રીઝવાન તારાપુરીની ઉપસ્થિતિએ સમાજમાં સર્વધર્મ સમભાવ અને પરસ્પર આદરનો મજબૂત સંદેશ આપ્યો છે. મંચ પર બિરાજમાન અગ્રણીઓ અને વક્તાઓએ સહકારી સંસ્થાઓના વિકાસની સાથેસાથે સામાજિક એકતાની જરૂરિયાત પર ભાર મૂક્યો હતો.

સહકારી ક્ષેત્રે ઉત્સાહપૂર્ણ વાતાવરણ

સોસાયટીના હોદ્દેદારો, સભ્યો અને મોટી સંખ્યામાં સ્થાનિક નાગરિકો આ વાર્ષિક સભામાં ઉપસ્થિત રહ્યા હતા. કાર્યક્રમ દરમિયાન સહકારી પ્રવૃત્તિઓની વાર્ષિક સમીક્ષા કરવામાં આવી હતી તેમજ ભવિષ્યની યોજનાઓ અંગે ચર્ચા વિચારણા કરાઈ હતી. વિવિધ સમુદાયો વચ્ચેના આ પ્રકારના હકારાત્મક મેળાવડાથી ક્ષેત્રમાં ભાઈચારો વધુ મજબૂત બનશે તેવી લોકભાવના વ્યક્ત કરવામાં આવી હતી.

આ પણ વાંચો પાસપોર્ટ વેરિફિકેશન માટે હવે પોલીસ સ્ટેશનના ધક્કામાંથી મુક્તિ,ગુજરાતમાં વેરિફિકેશન પ્રક્રિયા બની સરળ