High Blood Pressure Control Tips: હાઈ બ્લડ પ્રેશરને સાયલન્ટ કિલર પણ કહેવામાં આવે છે, કારણ કે જો તેના પર લાંબા સમય સુધી ધ્યાન આપવામાં ન આવે તો તે હાર્ટ એટેક અને સ્ટ્રોક જેવી ગંભીર બીમારીઓનું કારણ બની શકે છે. ઘણા લોકો બીપી વધતા જ તરત દવાઓનો સહારો લે છે, પરંતુ પ્રારંભિક તબક્કામાં જો ડાયટ અને લાઈફસ્ટાઈલમાં સકારાત્મક બદલાવ કરવામાં આવે તો બ્લડ પ્રેશરને કુદરતી રીતે જ નિયંત્રણમાં રાખી શકાય છે.
High Blood Pressure Control Tips: નમક (સોડિયમ) નું પ્રમાણ ઘટાડવું
નોધનીય છે કે હાઈ બ્લડ પ્રેશરના દર્દીઓ માટે ખોરાકમાં મીઠા (નમક) નો વપરાશ ઘટાડવો સૌથી મહત્વપૂર્ણ છે. વધારે પડતું મીઠું શરીરમાં પાણી પકડી રાખે છે, જેનાથી ધમનીઓ પર દબાણ વધે છે અને બીપી હાઈ થાય છે. રસોઈમાં મીઠાનો ઉપયોગ ઓછો કરવા ઉપરાંત પાપડ, અથાણાં, નમકીન અને પેકેજ્ડ ફૂડ ખાવાનું ટાળવું જોઈએ, કારણ કે તેમાં પ્રિઝર્વેટિવ તરીકે સોડિયમનું પ્રમાણ ખૂબ વધારે હોય છે.
પોટેશિયમ યુક્ત ખોરાક વધારવો
ઉલ્લેખનીય છે કે BP કંટ્રોલમાં રાખવા માટે ડાયટમાં પોટેશિયમથી ભરપૂર વસ્તુઓ સામેલ કરવી જોઈએ. પોટેશિયમ શરીરમાં રહેલા વધારાના સોડિયમને પેશાબ વાટે બહાર કાઢવામાં મદદ કરે છે અને રક્તવાહિનીઓને આરામ આપે છે. તમારા રોજિંદા આહારમાં કેળા, પાલક, નાળિયેર પાણી, શક્કરિયા અને ખાટાં ફળો (જેમ કે નારંગી અને મોસંબી) નો સમાવેશ કરવાથી બ્લડ પ્રેશર કુદરતી રીતે ઘટવા લાગે છે.
નિયમિત કસરત અને વજન પર નિયંત્રણ
બેઠાડુ જીવન જીવતા લોકોમાં હાઈપરટેન્શનનું જોખમ વધારે હોય છે. રોજિંદા જીવનમાં માત્ર ૩૦ મિનિટની શારીરિક પ્રવૃત્તિ જેમ કે ઝડપી ચાલવું (બ્રિસ્ક વોકિંગ), સાઇકલિંગ અથવા યોગ કરવાથી હૃદય મજબૂત બને છે અને બ્લડ પ્રેશર નિયંત્રિત રહે છે. વધતા વજનની સાથે પણ બીપી વધે છે, તેથી હેલ્ધી વેઈટ જાળવી રાખવું અત્યંત જરૂરી છે.
સ્ટ્રેસ મેનેજમેન્ટ અને પૂરતી ઊંઘ
માનસિક તણાવ કે સ્ટ્રેસ પણ બ્લડ પ્રેશર વધારવાનું એક મુખ્ય કારણ છે. જ્યારે વ્યક્તિ સતત તણાવમાં રહે છે, ત્યારે શરીર એવા હોર્મોન્સ મુક્ત કરે છે જે રક્તવાહિનીઓને સંકોચી દે છે. સ્ટ્રેસ દૂર કરવા માટે મેડિટેશન (ધ્યાન), ઊંડા શ્વાસ લેવાની કસરત અને રોજ ૭ થી ૮ કલાકની પૂરતી ઊંઘ લેવી ખૂબ જ ફાયદાકારક સાબિત થાય છે. આ સિવાય ધૂમ્રપાન અને દારૂના સેવનથી દૂર રહેવું પણ હાર્ટ હેલ્થ માટે જરૂરી છે.
Disclaimer: આ લેખમાં વર્ણવેલ પદ્ધતિઓ, પ્રક્રિયાઓ અને દાવાઓ અલગ માહિતી પર આધારિત છે.ગુજરાત સમય પૂરી પાડવામાં આવેલી માહિતીની ચોકસાઈની ગેરંટી આપતું નથી. કોઈપણ સારવાર અથવા સૂચન લાગુ કરતા પહેલા હંમેશા ડૉક્ટર અથવા નિષ્ણાતની સલાહ લો.
આ પણ વાંચો: સવારે ખાલી પેટે કેળું ખાવું કેટલું યોગ્ય? જાણો તેના ફાયદા અને આડઅસર વિશે શું કહે છે નિષ્ણાતો
