Rajkot Edible Oil Price Hike સૌરાષ્ટ્રના સૌથી મોટા તેલ બજાર ગણાતા રાજકોટમાંથી સામાન્ય જનતા માટે ચિંતાજનક સમાચાર સામે આવ્યા છે. આંતરરાષ્ટ્રીય સ્તરે ચાલી રહેલા યુદ્ધની પરિસ્થિતિને કારણે આયાત-નિકાસ અને સપ્લાય ચેઈન પ્રભાવિત થતાં ખાદ્યતેલના ભાવમાં તોતિંગ વધારો ઝીંકાયો છે. બજારમાં સિંગતેલ અને કપાસિયા તેલના ભાવ નવી સપાટીએ પહોંચી ગયા છે, જેના કારણે મધ્યમવર્ગીય પરિવારોનું રસોડાનું બજેટ સંપૂર્ણપણે ખોરવાઈ ગયું છે.
Rajkot Edible Oil Price Hike સિંગતેલ અને કપાસિયા તેલમાં નવો વધારો
સ્થાનિક બજારના વેપારીઓ પાસેથી મળતી વિગત મુજબ, યુદ્ધની અસરોને પગલે સિંગતેલના ભાવમાં એકસાથે ₹૫૦ નો તોતિંગ વધારો નોંધાયો છે. આ વધારા સાથે જ બજારમાં સિંગતેલના નવા ડબ્બાનો ભાવ ₹2,765 ની સપાટી પર પહોંચી ગયો છે. માત્ર સિંગતેલ જ નહીં, પરંતુ ગુજરાતમાં સૌથી વધુ વપરાતા કપાસિયા તેલના ભાવમાં પણ ₹૨૦ નો વધારો થયો છે, જેના કારણે કપાસિયા તેલના ડબ્બાનો ભાવ હવે ₹2,620 થઈ ગયો છે.
ગત વર્ષની સરખામણીએ ₹૬૦૦ નો તોતિંગ ભડકો
ખાદ્યતેલના ભાવમાં થઈ રહેલો આ વધારો લાંબા ગાળાની મોંઘવારી તરફ ઈશારો કરે છે. ગત વર્ષના સમાન સમયગાળાની સરખામણી કરવામાં આવે તો, ચાલુ વર્ષે તેલના ડબ્બાના ભાવમાં અંદાજે ₹૬૦૦ નો સીધો વધારો થઈ ચૂક્યો છે. વેપારીઓનું કહેવું છે કે જો વૈશ્વિક સ્તરે યુદ્ધની સ્થિતિ જલદી શાંત નહીં થાય અને આંતરરાષ્ટ્રીય બજારમાં ક્રૂડ તથા અન્ય કોમોડિટીઝના ભાવ પર કાબૂ નહીં આવે, તો આગામી દિવસોમાં સ્થાનિક બજારમાં ખાદ્યતેલના ભાવ હજુ પણ વધી શકે છે.
