Surat Cyber Fraud સુરત [Surat] માં શેર માર્કેટ [Stock Market] માં રોકાણ કરી ઊંચા વળતર [High Returns] ની લાલચ આપીને એક વ્યક્તિ પાસેથી રૂ. 1.10 કરોડથી વધુની રકમ પડાવી લેવાના મોટા સાયબર ફ્રોડ [Cyber Fraud] નો સુરત સાયબર ક્રાઈમ સેલે [Surat Cyber Crime Cell] પર્દાફાશ કર્યો છે. આરોપીઓએ પૂર્વ આયોજિત કાવતરું રચી ફરિયાદીને શેરબજારમાં ટ્રેડિંગ [Trading] થી મોટો નફો થશે તેવી લાલચ આપી હતી. આ માટે આરોપીઓએ ‘Axis.apk’ નામની એક બોગસ એપ્લિકેશન [Fake Application] ડાઉનલોડ કરાવી તેમાં રજીસ્ટ્રેશન કરાવ્યું હતું અને બનાવટી ટ્રેડિંગ એકાઉન્ટ તૈયાર કર્યું હતું. ફરિયાદીએ આરોપીઓની વાતોમાં આવીને અલગ-અલગ બેંક એકાઉન્ટમાં કુલ રૂ. 1,10,90,000 ટ્રાન્સફર કર્યા હતા.
Surat Cyber Fraud બોગસ એપ્લિકેશન મારફતે બનાવટી ટ્રેડિંગનો ખેલ
શરૂઆતમાં આ નકલી એપ્લિકેશનમાં ફરિયાદીને રોકાણ કરેલી રકમ પર મોટો નફો થઈ રહ્યો હોવાનું દર્શાવવામાં આવતું હતું, જેથી રોકાણકારને પોતાના પૈસા સુરક્ષિત હોવાનો અહેસાસ થાય. જોકે, જ્યારે ફરિયાદીએ રકમ ઉપાડવાનો [Withdrawal] પ્રયાસ કર્યો, ત્યારે આરોપીઓએ પ્રોસેસિંગ ફી અને અલગ-અલગ ચાર્જના નામે વધુ પૈસાની માંગણી કરી હતી. ફરિયાદીને માત્ર રૂ. 5,000 જ ઉપાડવા દેવામાં આવ્યા હતા, જ્યારે બાકીના રૂ. 1,10,85,000 ફસાઈ ગયા હતા. પોતાની સાથે થયેલી ઓનલાઇન છેતરપિંડી [Online Scam] નો અહેસાસ થતાં પીડિતે સુરત સાયબર ક્રાઈમ પોલીસ સ્ટેશનમાં ગુનો નોંધાવ્યો હતો.
કમિશનના આધારે બેંક એકાઉન્ટની હેરાફેરી (Bank Account Transactions on Commission)
પોલીસ તપાસમાં આ કેસના તાર મહારાષ્ટ્ર [Maharashtra] સાથે જોડાયેલા હોવાનું ખૂલ્યું હતું. પોલીસે મહારાષ્ટ્રમાંથી ત્રણ આરોપીઓની ધરપકડ કરી છે. આરોપી રાહુલ રજકે [Rahul Rajak] પોતાના નામે ફર્મ બનાવી ઉદ્યમ સર્ટિફિકેટ [Udyam Certificate] મેળવીને IDFC બેંકમાં કરન્ટ એકાઉન્ટ [Current Account] ખોલાવ્યું હતું. ત્યારબાદ આ એકાઉન્ટ આશિષ સોનાર [Ashish Sonar] ને રૂ. 90,000 ના કમિશનથી અને ત્યાંથી ભૂષણ સૈદાણે [Bhushan Saidane] ને રૂ. 30,000 ના કમિશનમાં આપવામાં આવ્યું હતું. અંતે ભૂષણે આ એકાઉન્ટ રૂ. 20,000 નું કમિશન લઈને અન્ય એક ફરાર આરોપીને હેન્ડઓવર કર્યું હતું.
16 કરોડથી વધુની છેતરપિંડીનો ખુલાસો (Rs 16 Crore Fraud Revealed)
સાયબર ક્રાઈમની ઝીણવટભરી તપાસમાં વધુ એક ચોંકાવનારી હકીકત સામે આવી છે. ગુનામાં વપરાયેલા આ એક જ બેંક એકાઉન્ટમાં 18 ઓક્ટોબર 2025 થી 9 જાન્યુઆરી 2026 સુધીમાં રૂ. 2,41,03,506 ના ટ્રાન્ઝેક્શન [Bank Transactions] થયા હતા. આ એકાઉન્ટને NCCRP પોર્ટલ [NCCRP Portal] પર ચેક કરતા, તેની સામે અલગ-અલગ રાજ્યોમાં કુલ 29 ફરિયાદો નોંધાયેલી હોવાનું સામે આવ્યું છે, જેમાં કુલ રૂ. 16,13,44,790 ની માતબર રકમની છેતરપિંડી થઈ હોવાનું ભોપાળું છતું થયું છે.
