Gandhinagar Municipal Election ગાંધીનગર મહાનગરપાલિકા સામાન્ય ચૂંટણીને અનુલક્ષીને ગુજરાત પ્રદેશ કોંગ્રેસ સમિતિના નેતૃત્વમાં કોંગ્રેસના એક ઉચ્ચ સ્તરીય પ્રતિનિધિમંડળે ચૂંટણી પંચ સમક્ષ આવેદનપત્ર આપીને ઉગ્ર રજૂઆત કરી છે. નવા સચિવાલય ખાતે આવેલા બ્લોક નંબર 9ના છઠ્ઠા માળે પંચના અધિકારીઓ સાથે મુલાકાત યોજીને, મનપા ચૂંટણી સંદર્ભે વહીવટી તંત્રની કામગીરી સામે ગંભીર પ્રશ્નો ઉઠાવવામાં આવ્યા હતા.
Gandhinagar Municipal Election : ભાજપને ચૂંટણી હારવાનો ડર, ચૂંટણી બિનહરીફ કરવાના પ્રયાસોનો આક્ષેપ
ચૂંટણી પંચ સમક્ષ રજૂઆત દરમિયાન કોંગ્રેસના નેતા લાલજી દેસાઈએ શાસક પક્ષ પર આકરા પ્રહારો કર્યા હતા:
-
લોકશાહીનું પતન: લાલજી દેસાઈએ જણાવ્યું હતું કે સમગ્ર ગુજરાતમાં ભાજપ દ્વારા લોકશાહીનું ધોરાણ ટૂંકાવીને પતન કરવામાં આવી રહ્યું છે.
-
બિનહરીફ કરવાનો ડર: તેમણે દાવો કર્યો હતો કે ભાજપને ગાંધીનગર મનપાની ચૂંટણી હારવાનો સ્પષ્ટ ડર લાગી રહ્યો છે, જેના કારણે ચૂંટણી બિનહરીફ કરવાના ખોટા પ્રયાસો થઈ રહ્યા છે જે બિલકુલ યોગ્ય નથી.
-
ચૂંટણી કમિશનરની સ્વાયત્તતા પર સવાલ: તેમણે ચૂંટણી કમિશનરની સ્વાયત્તતા સામે સવાલો ઉઠાવતા પૂછ્યું હતું કે, શું ચૂંટણી કમિશનર સ્વાયત્ત છે કે પછી તંત્રની કઠપૂતળી બનીને રહી ગયા છે? આ સાથે એસઆઈઆર (SIR) પ્રક્રિયામાં મોટા ગોટાળા કરાયા હોવાનો ગંભીર આક્ષેપ પણ કરવામાં આવ્યો હતો.
Police Pressure Allegations: વોર્ડ નં. 6 અને 7માં પોલીસ દબાણનો મુદ્દો
કોંગ્રેસ પ્રતિનિધિમંડળ દ્વારા વહીવટી તંત્ર અને પોલીસ વહીવટના દુરુપયોગ અંગે પણ ગંભીર રજૂઆતો કરવામાં આવી છે:
-
ઉમેદવારો અને સગા-સંબંધીઓ પર દબાણ: લાલજી દેસાઈએ વધુમાં ઉમેર્યું હતું કે વોર્ડ નંબર 6 અને 7માં એલસીબી (LCB) ના પી.આઈ. પણ સીધા કોંગ્રેસના ઉમેદવારો અને તેમના સગા-સંબંધીઓના ઘરે પહોંચીને દબાણ કરી રહ્યા છે.
-
તંત્રની નિષ્પતા પર સવાલો: ચૂંટણીના માહોલમાં પોલીસ તંત્રના આવા દખલગીરી ભર્યા વલણ સામે પણ કડક પગલાં લેવાની માંગ કરવામાં આવી છે.
