Gujarat School Calendar 2025-26: ગુજરાતના શિક્ષણ વિભાગ દ્વારા નવા શૈક્ષણિક વર્ષની શાળાકીય પ્રવૃત્તિઓ માટેનું કેલેન્ડર જાહેર કરવામાં આવ્યું છે. માધ્યમિક અને ઉચ્ચતર માધ્યમિક શિક્ષણ બોર્ડે ઘોષણા કરી છે કે ધોરણ 10 અને ધોરણ 12ની બોર્ડની પરીક્ષાઓ ફેબ્રુઆરી મહિનામાં જ પૂર્ણ કરવામાં આવશે, જે સામાન્ય રીતે માર્ચમાં લેવામાં આવતી હતી. આ ફેરફાર વિદ્યાર્થીઓના ભવિષ્યના આયોજનને ધ્યાનમાં રાખીને કરવામાં આવ્યો છે.
શાળાઓ માટે પ્રથમ સત્ર 9 જૂનથી 15 ઓક્ટોબર સુધી રહેશે. ત્યારબાદ 16 ઓક્ટોબરથી 5 નવેમ્બર સુધી 20 દિવસનું દિવાળી વેકેશન રહેશે. આ વેકેશન પછી, 6 નવેમ્બરથી દ્વિતીય સત્ર શરૂ થશે અને તે 3 મે 2026 સુધી ચાલશે. ત્યારબાદ ઉનાળુ વેકેશન શરૂ થશે, જે બે મહિનાનું એટલે કે અંદાજે 60 દિવસનું હશે.
આ રીતે, સમગ્ર વર્ષ દરમિયાન વિદ્યાર્થીને કુલ 80 દિવસનું વેકેશન મળશે. ધોરણ 9 થી 12 માટેની પ્રથમ પરીક્ષા સપ્ટેમ્બર મહિનામાં લેવામાં આવશે જ્યારે બીજી આંતરિક પરીક્ષા જાન્યુઆરી 2026ના આરંભથી યોજાશે.
