Heat Impact On Sperm Quality: ઉનાળાની કાળઝાળ ગરમીમાં [Heatwave] ખુલ્લા તડકામાં પાર્ક કરેલી બાઈકની સીટ કેટલી ગરમ થઈ જાય છે તેનો અંદાજ આપણને ત્યારે આવે છે જ્યારે આપણે તેના પર બેસીએ છીએ. જોકે, મોટાભાગના પુરુષો તેને માત્ર ક્ષણિક ગરમી માનીને અવગણતા હોય છે. નિષ્ણાતોના મતે, આ ગરમ સીટ માત્ર અગવડતા જ નથી આપતી, પરંતુ તે પુરુષોની પ્રજનન ક્ષમતા [Male Fertility] માટે પણ મોટું જોખમ ઊભું કરી શકે છે.
તાપમાન અને શુક્રાણુઓ વચ્ચેનો સંબંધ (Heat Impact On Sperm Quality)
તબીબી સંશોધનો મુજબ, પુરુષોના શુક્રાણુ કોષો [Sperm Cells] શરીરના અન્ય કોષો કરતા તાપમાન પ્રત્યે વધુ સંવેદનશીલ હોય છે. કુદરતી રીતે જ વૃષણ [Testicles] શરીરની બહાર હોય છે જેથી તેનું તાપમાન શરીરના સામાન્ય તાપમાન કરતા 2 થી 4 ડિગ્રી ઓછું જળવાઈ રહે. સ્પર્મના તંદુરસ્ત વિકાસ માટે આ તાપમાનનું સંતુલન અનિવાર્ય છે. જ્યારે કોઈ વ્યક્તિ કલાકો સુધી તડકામાં તપેલી બાઈકની સીટ પર બેસે છે, ત્યારે સીધી ગરમી તે ભાગનું તાપમાન વધારી દે છે, જે શુક્રાણુઓની સંખ્યા [Sperm Count] અને ગુણવત્તા ઘટાડી શકે છે.
હાઈ ટેમ્પરેચરથી થતું નુકસાન (Damage caused by High Temperature)
એક્સપર્ટ્સ જણાવે છે કે સતત ગરમીના સંપર્કમાં રહેવાથી શુક્રાણુઓની હિલચાલ એટલે કે મોટિલિટી [Sperm Motility] ધીમી પડી જાય છે. વધુ પડતી હીટ સ્પર્મના ડીએનએ [Sperm DNA Fragmentation] ને પણ નુકસાન પહોંચાડી શકે છે. આ ઉપરાંત, ગરમીને કારણે શરીરમાં ઓક્સિડેટીવ સ્ટ્રેસ [Oxidative Stress] વધે છે, જે પ્રજનન અંગોને નુકસાન પહોંચાડી શકે છે. ઉનાળામાં થતું ડિહાઈડ્રેશન [Dehydration] પણ હોર્મોનલ બેલેન્સ [Hormonal Balance] બગાડે છે, જે ટેસ્ટોસ્ટેરોન [Testosterone] જેવા મહત્વના હોર્મોન પર અસર કરે છે.
બચાવ માટે આટલું ધ્યાન રાખો (Precautions for Men in Summer)
જો તમે દરરોજ લાંબા સમય સુધી બાઈક ચલાવો છો, તો બાઈકને હંમેશા છાંયડામાં પાર્ક કરવાનો આગ્રહ રાખો અથવા સીટ કવર [Bike Seat Cover] નો ઉપયોગ કરો. સીટ ગરમ હોય તો તેના પર તરત બેસવાને બદલે તેને થોડી ઠંડી થવા દો. આ સિવાય, ઉનાળામાં ટાઈટ કપડાંને બદલે સુતરાઉ અને ઢીલા કપડાં [Loose Clothing] પહેરવા જોઈએ. શરીરને સતત હાઈડ્રેટ [Hydration] રાખવું પણ એટલું જ જરૂરી છે, કારણ કે સીમેનનો મોટો ભાગ પાણીથી બનેલો હોય છે.
આ પણ વાંચો: રાજકોટમાં પારો 42 ડિગ્રી: ગરમીના કારણે પાણીની માંગમાં મોટો ઉછાળો
