T20 ક્રિકેટ- દક્ષિણ આફ્રિકા સામેની ચોથી T20 આંતરરાષ્ટ્રીય મેચમાં સંજુ સેમસન અને તિલક વર્માએ શાનદાર પ્રદર્શન કર્યું હતું. આ ખેલાડીઓએ બેટિંગનું ઉત્તમ ઉદાહરણ રજૂ કર્યું હતું. આ બંને સામે આફ્રિકાના બોલરો ટકી શક્યા ન હતા. તેણે મેદાન પર રનનો વરસાદ કર્યો અને ટીમ ઈન્ડિયાએ 283 રનનો પહાડ જેવો સ્કોર કરીને અજાયબી કરી નાખી. આ બંને ખેલાડીઓ પોતાની બેટિંગથી પ્રભાવિત કરવામાં સફળ રહ્યા છે.ઇતિહાસમાં પહેલીવાર t2oમાં ઐતિહાસિક રેકોર્ડ બનાવ્યો છે.
ભારત માટે પ્રથમ વખત T20I મેચમાં બે બેટ્સમેનોએ એકસાથે સદી ફટકારી.
ભારતીય ટીમ માટે આ પ્રથમ વખત છે જ્યારે બે ભારતીય બેટ્સમેનોએ T20 ક્રિકેટ આંતરરાષ્ટ્રીય મેચમાં સદી ફટકારી હોય. આ પહેલા જોવામાં આવ્યું ન હતું. આફ્રિકા સામે અભિષેક શર્મા સંજુ સેમસન સાથે ઓપનિંગ કરવા આવ્યો હતો. અભિષેકે પણ વિસ્ફોટક અંદાજમાં રન બનાવ્યા હતા. પરંતુ તે 36 રનના સ્કોર પર આઉટ થયો હતો. આ પછી તિલક વર્મા ત્રીજા નંબર પર બેટિંગ કરવા આવ્યો હતો. ત્યારબાદ તેણે સંજુ સાથે એવી રીતે બેટિંગ કરી જે પોતાનામાં જ ઈતિહાસ છે. તિલકે 120 રન અને સંજુએ 109 રન બનાવ્યા હતા.
વેસ્ટ ઈન્ડિઝનો રેકોર્ડ તૂટ્યો
283 રન બનાવીને ભારતીય ટીમ દક્ષિણ આફ્રિકા સામે T20 ઈન્ટરનેશનલમાં સૌથી વધુ સ્કોર બનાવનારી ટીમ બની ગઈ છે. ભારતીય ટીમ પહેલા આફ્રિકા સામે કોઈ ટીમ આટલો મોટો સ્કોર કરી શકી ન હતી. ભારતે વેસ્ટ ઈન્ડિઝનો રેકોર્ડ તોડી નાખ્યો છે, જે તેણે વર્ષ 2023માં બનાવ્યો હતો. વિન્ડીઝની ટીમે વર્ષ 2023માં આફ્રિકા સામે ટી20માં 258 રન બનાવ્યા હતા.આ સિવાય ભારતીય ટીમે T20 ઈન્ટરનેશનલમાં પોતાનો બીજો સૌથી મોટો સ્કોર બનાવ્યો છે. આ પહેલા વર્ષ 2024માં જ ભારતે બાંગ્લાદેશ સામેની T20I મેચમાં 297 રન બનાવ્યા હતા. ત્યારે ટીમ ઈન્ડિયા 300 રન બનાવવાનું ચૂકી ગઈ હતી.
T20Iમાં ટીમ ઈન્ડિયાનો સૌથી મોટો સ્કોર:
બાંગ્લાદેશ સામે- 297 રન, 2024
દક્ષિણ આફ્રિકા સામે- 283 રન, 2024
શ્રીલંકા સામે – 260 રન, 2017
2016માં વેસ્ટ ઈન્ડિઝ સામે 244 રન
આ પણ વાંચો – ઓસ્ટ્રેલિયામાં બેટિંગ કરતી વખતે ઘાયલ થયો સરફરાઝ ખાન, જાણો હવે કેવી છે તેની હાલત!
