સોમનાથમાં બુલડોઝરજરાતના સોમનાથ મંદિરનીની કાર્યવાહી: ગુ આસપાસના ગેરકાયદે બાંધકામ પર તાજેતરમાં બુલડોઝરની કાર્યવાહી સામે સુપ્રીમ કોર્ટમાં દાખલ કરાયેલી તિરસ્કારની અરજી પર આજે સુનાવણી હાથ ધરવામાં આવી હતી. સુપ્રીમ કોર્ટે ગુજરાત સરકારને નોટિસ પાઠવી જવાબ માંગ્યો છે. આ કેસની આગામી સુનાવણી 16 ઓક્ટોબરે થશે. આ મામલે ટિપ્પણી કરતા સુપ્રીમ કોર્ટે કહ્યું કે જો અમારા આદેશની અવગણના કરવામાં આવી છે, તો અમે તેને પુનઃસ્થાપિત કરવાનો આદેશ આપીશું અને જવાબદાર અધિકારીઓને પણ જેલમાં મોકલીશું. સુનાવણી દરમિયાન સોલિસિટર જનરલે કહ્યું કે આ સરકારી જમીન છે. આના પર 2023 થી કામ ચાલી રહ્યું હતું.
પટણી મુસ્લિમ જમાતે અરજી દાખલ કરી હતી
પટણી મુસ્લિમ જમાતે સુપ્રીમ કોર્ટમાં તિરસ્કારની અરજી દાખલ કરી છે. જેમાં સુપ્રીમ કોર્ટના આદેશનું ઉલ્લંઘન કરીને ગીર સોમનાથના કલેક્ટર અને ગુજરાતના અધિકારીઓ દ્વારા ગેરકાયદેસર ડિમોલિશન કરવામાં આવ્યું હોવાના આક્ષેપો થયા છે. અરજીમાં ગુજરાત સત્તાવાળાઓ દ્વારા 28 સપ્ટેમ્બરે નોટિસ અને સુનાવણીની તક આપ્યા વિના મુસ્લિમ ધાર્મિક અને રહેણાંક સ્થળોને ગેરકાયદેસર રીતે તોડી પાડવાનો આક્ષેપ કરવામાં આવ્યો છે. અરજીમાં કહેવામાં આવ્યું છે કે, ઉત્તરદાતાઓએ 28 સપ્ટેમ્બર 2024ના રોજ વહેલી સવારે કોઈ પણ નોટિસ અને સુનાવણીની તક આપ્યા વિના મસ્જિદો, ઈદગાહ, દરગાહ, મકબરો અને રહેણાંક સ્થળો સહિત સદીઓ જૂના મુસ્લિમ ધાર્મિક સ્થળોને ગેરકાયદેસર રીતે તોડી પાડ્યા હતા.
અરજદારે જણાવ્યું હતું કે ગુજરાતમાં સત્તાવાળાઓએ તોડફોડ કરીને 17 સપ્ટેમ્બરના આદેશનું ઉલ્લંઘન કર્યું છે. અરજીમાં આ અધિકારીઓ સામે અવમાનનાની કાર્યવાહી શરૂ કરવાની માંગ કરવામાં આવી છે. અરજીમાં ગુજરાત રાજ્યના અગ્ર સચિવ, ગીર સોમનાથના કલેક્ટર, એસપી અને અન્યને પક્ષકાર બનાવવામાં આવ્યા છે. જસ્ટિસ બી.આર. ગવઇ અને જસ્ટિસ કે.વી. વિશ્વનાથનની બેન્ચે આ અરજી પર સુનાવણી કરી હતી.
શું છે મામલો?
28 સપ્ટેમ્બરે, ગુજરાતના ગીર સોમનાથ જિલ્લામાં સોમનાથ મંદિર પાસેની સરકારી જમીન પરથી અતિક્રમણ દૂર કરવા માટે શનિવારે હાથ ધરાયેલા ઓપરેશન દરમિયાન 135 લોકોની અટકાયત કરવામાં આવી હતી. સોમનાથ મંદિરના સ્થળ વેરાવળના પ્રભાસ પાટણ ખાતે સરકારી જમીન પરના અનધિકૃત બાંધકામોને દૂર કરવાની કામગીરી માટે સેંકડો પોલીસ કર્મચારીઓને તૈનાત કરવામાં આવ્યા હતા, એમ જિલ્લા વહીવટીતંત્રે એક નિવેદનમાં જણાવ્યું હતું. વહીવટીતંત્રે જણાવ્યું હતું કે વહેલી સવારે શરૂ થયેલા ઓપરેશન દરમિયાન ધાર્મિક બાંધકામો અને કોંક્રીટના મકાનો તોડી પાડવામાં આવ્યા હતા અને રૂ. 60 કરોડની કિંમતની લગભગ 15 હેક્ટર સરકારી જમીનને મુક્ત કરવામાં આવી હતી.
52 ટ્રેક્ટર, 58 બુલડોઝર, બે હાઇડ્રા ક્રેન્સ, પાંચ ટ્રક, બે એમ્બ્યુલન્સ અને ત્રણ ફાયર એન્જિન કામમાં જોડાયા હતા. વરિષ્ઠ પોલીસ અને જિલ્લા વહીવટી અધિકારીઓની સાથે 788 પોલીસ કર્મચારીઓ અને સ્ટેટ રિઝર્વ પોલીસ ફોર્સ (SRPF)ના જવાનોને તૈનાત કરવામાં આવ્યા હતા. આ પ્રસંગે ત્રણ પોલીસ અધિક્ષક, ચાર નાયબ પોલીસ અધિક્ષક, 12 નિરીક્ષકો, 24 સબ ઈન્સ્પેક્ટર, અધિક જિલ્લા મેજિસ્ટ્રેટ, સબ-ડિવિઝનલ મેજિસ્ટ્રેટ અને એક્ઝિક્યુટિવ મેજિસ્ટ્રેટ ઉપસ્થિત રહ્યા હતા. પોલીસે જણાવ્યું કે ઓપરેશન હેઠળ લગભગ 135 લોકોની અટકાયત કરવામાં આવી છે. વિસ્તારમાં કાયદો અને વ્યવસ્થાની સ્થિતિ નિયંત્રણમાં છે અને કોઈ અનિચ્છનીય બનાવ બન્યો નથી
આ પણ વાંચો- સુપ્રીમ કોર્ટનો રાજ્ય સરકારોને જેલ મેન્યુઅલ બદલવાનો આદેશ, જાતિના આધારે કામ આપવું કલમ 15નું ઉલ્લંઘન
