Pakistan Army Camp Attackની ઘટનામાં પાકિસ્તાનના બલૂચિસ્તાન પ્રાંતના મસ્તુંગ જિલ્લામાં આવેલા કનક વિસ્તારમાં એક મિલિટરી કૅમ્પને નિશાન બનાવવામાં આવ્યો છે. બલૂચિસ્તાન લિબરેશન આર્મી (BLA)એ આ હુમલાની જવાબદારી સ્વીકારીને 18થી વધુ પાકિસ્તાની સૈનિકો માર્યા ગયાનો દાવો કર્યો છે. જોકે, બલૂચિસ્તાન પોલીસે હુમલો નિષ્ફળ બનાવ્યાનું જણાવી ત્રણ હુમલાખોરો માર્યા ગયાની માહિતી આપી છે. સૈનિકોના મોત અંગે પોલીસે કોઈ સત્તાવાર આંકડો જાહેર કર્યો નથી.
BLAના દાવા પ્રમાણે, આત્મઘાતી હુમલાખોરે વિસ્ફોટકોથી ભરેલા વાહન વડે કૅમ્પને ટક્કર મારી હતી. ત્યારબાદ સંગઠનના અન્ય સશસ્ત્ર સભ્યોએ કૅમ્પ અને નજીકની સુરક્ષા ચોકીઓ પર ગોળીબાર કર્યો હતો.
સંગઠને હુમલાનો વીડિયો પણ જાહેર કર્યો છે. તેમાં એક વાહન કૅમ્પ તરફ આગળ વધતું અને ત્યારબાદ મોટો વિસ્ફોટ થતો દેખાય છે. જોકે, વીડિયોમાં દેખાતી વિગતો અને જાનહાનિના દાવાઓની સ્વતંત્ર પુષ્ટિ આપવામાં આવેલી નથી.
The BLA released a video of its recent attack in #Mastung are of #Balochistan, claiming that it had completely destroyed main camp and kill all personnel on spot.
The #BLA stated that two of its units carried out the attack: Majeed Brigade and the Fateh squad.
#Pakistan #Quetta
— Kohzad Baluch (@KohzadBaluch) November 12, 2026
Pakistan Army Camp Attackમાં મજીદ બ્રિગેડ અને ફતેહ સ્ક્વૉડની ભૂમિકા
BLAએ જણાવ્યું કે આત્મઘાતી હુમલો તેની મજીદ બ્રિગેડ દ્વારા કરવામાં આવ્યો હતો, જ્યારે ત્યારબાદના હુમલામાં ફતેહ સ્ક્વૉડના સભ્યો સામેલ હતા. સંગઠને આત્મઘાતી હુમલાખોરની ઓળખ ઓસામા શાહવાની ઉર્ફે વદ્દૂ તરીકે જાહેર કરી છે.
બીજી તરફ, બલૂચિસ્તાન પોલીસે જણાવ્યું કે વિસ્ફોટકોથી ભરેલા વાહનને સુરક્ષા ચોકી સાથે અથડાવવાનો પ્રયાસ કરવામાં આવ્યો હતો. ફ્રન્ટિયર કોર્પ્સના જવાનોએ સમયસર કાર્યવાહી કરીને હુમલો નિષ્ફળ બનાવ્યો હતો. પોલીસના જણાવ્યા અનુસાર, જવાબી કાર્યવાહીમાં BLAના ત્રણ લડવૈયાઓ માર્યા ગયા હતા.
વિસ્ફોટને કારણે આસપાસનાં રહેણાક મકાનો અને મસ્જિદને નુકસાન થયું હતું. આ ઘટનામાં બે સ્થાનિક નાગરિકોનાં મોત થયાં અને અન્ય 16 લોકો ઘાયલ થયા હોવાનું પોલીસે જણાવ્યું છે.
આ હુમલો પાકિસ્તાનમાં બે દિવસમાં બનેલી બીજી મોટી હિંસક ઘટના છે. આ પહેલાં ખૈબર પખ્તૂનખ્વામાં પોલીસ ટુકડી પર હુમલામાં DCP સહિત 11 પોલીસકર્મીઓ માર્યા ગયા હતા. TTPએ તેની જવાબદારી લીધી હતી. આમ, પાકિસ્તાનના સુરક્ષા દળો સામે અલગ અલગ વિસ્તારોમાં હુમલાઓને પગલે સુરક્ષાની સ્થિતિ ફરી ચર્ચામાં આવી છે.
