અમેરિકામાં ભણતા ભારતીય વિદ્યાર્થીઓ માટે મોટા રાહતના સમાચાર,ફેડરલ કોર્ટે વિદ્યાર્થીઓના વિઝા પરની 4 વર્ષની મર્યાદાનો નિયમ રદ કર્યો

US Student Visa Update  અમેરિકામાં ઉચ્ચ અભ્યાસ અર્થે જતા વિદેશી તથા ભારતીય વિદ્યાર્થીઓ માટે એક ખૂબ જ રાહતજનક સમાચાર સામે આવ્યા છે. યુએસ ફેડરલ કોર્ટે આંતરરાષ્ટ્રીય વિદ્યાર્થીઓના વિઝા માટે પ્રસ્તાવિત ૪ વર્ષની મર્યાદા (Duration of Status rule) ના વિવાદાસ્પદ નિયમને રદ કરી દીધો છે. આ નિર્ણયથી હજારો વિદ્યાર્થીઓને મોટી રાહત મળી છે જેઓ પોતાના અભ્યાસના સમયગાળાને લઈને ચિંતિત હતા.

અગાઉ યુએસ ડિપાર્ટમેન્ટ ઓફ હોમલેન્ડ સિક્યુરિટી (DHS) દ્વારા આ નિયમ લાવવામાં આવ્યો હતો, જે હેઠળ F-1 વિઝા ધરાવતા આંતરરાષ્ટ્રીય વિદ્યાર્થીઓનો સ્ટેaying પિરિયડ શરૂઆતમાં વધુમાં વધુ ૪ વર્ષ સુધી જ મર્યાદિત રાખવાનો પ્રસ્તાવ હતો. જો કે, યુએસ ડિસ્ટ્રિક્ટ જજ એફ. ડેનિસ સેલોરે (F. Dennis Saylor) આ પ્રસ્તાવિત નિયમને સંપૂર્ણપણે રદ કરતા જણાવ્યું હતું કે DHS પાસે વિદ્યાર્થી વિઝા કાર્યક્રમને નબળો પાડવાનો આવો વ્યાપક અધિકાર નથી.

US Student Visa Update જૂની પદ્ધતિ (Duration of Status) યથાવત રહેશે

કોર્ટના આ નિર્ણય બાદ હવે ‘ડ્યુરેશન ઓફ સ્ટેટસ’ (Duration of Status) ની જૂની અને પારંપરિક વ્યવસ્થા જ જારી રહેશે. એટલે કે, આંતરરાષ્ટ્રીય વિદ્યાર્થીઓ કોઈપણ અડચણ વગર યુએસમાં પોતાના કોર્સ કે ડિગ્રી પૂરી થાય ત્યાં સુધી કાયદેસર રીતે અભ્યાસ કરી શકશે. નવો નિયમ અમલમાં આવ્યો હોત તો વિદ્યાર્થીઓને દર ચાર વર્ષે વિઝા એક્સટેન્શન માટે મુશ્કેલીઓનો સામનો કરવો પડત અને અનેક શૈક્ષણિક તથા તકનીકી મર્યાદાઓ ઊભી થઈ હોત.

આ ચુકાદાથી અમેરિકામાં ભણતા ભારતીય વિદ્યાર્થીઓ અને રિસર્ચર્સમાં રાહતની લાગણી ફેલાઈ છે, કારણ કે લાંબી મુદતના અભ્યાસક્રમો (જેમ કે પીએચડી કે પ્રોફેશનલ ડિગ્રીઓ) માટે આ નિયમ મોટો અવરોધ બની શકે તેમ હતો.

Doliya Denva Bridge: ₹66 કરોડના બ્રિજના લોકાર્પણના 100 દિવસમાં જ RCC રોડમાં તિરાડો