8th Pay Commission Proposals: કેન્દ્રીય કર્મચારીઓ માટે 8મા પગાર પંચની [8th Pay Commission] ચર્ચાઓએ જોર પકડ્યું છે. વિવિધ કર્મચારી સંગઠનોએ કેન્દ્ર સરકારના કર્મચારીઓના પગાર, ભથ્થા અને સેવા શરતોમાં ક્રાંતિકારી ફેરફારો કરવાની માંગ કરી છે. જો આ પ્રસ્તાવોનો સ્વીકાર કરવામાં આવે, તો સરકારી કર્મચારીઓના વેતન માળખામાં અત્યાર સુધીનો સૌથી મોટો ઉછાળો જોવા મળી શકે છે.
પગાર અને ફિટમેન્ટ ફેક્ટરમાં મોટા ફેરફાર (8th Pay Commission Proposals)
‘પ્રગતિશીલ શિક્ષક ન્યાય મંચ’ [PSNM] દ્વારા રજૂ કરાયેલા મેમોરેન્ડમમાં લેવલ 1 ના કર્મચારીઓ માટે લઘુત્તમ મૂળ પગાર [Minimum Basic Pay] હાલના ₹18,000 થી વધારીને ₹50,000 થી ₹60,000 કરવાની માંગ કરવામાં આવી છે. આ ઉપરાંત, ફિટમેન્ટ ફેક્ટરને [Fitment Factor] 2.57 થી વધારીને 3.83 સુધી લઈ જવાનો પ્રસ્તાવ છે. વાર્ષિક ઇન્ક્રીમેન્ટ પણ હાલના 3% થી વધારીને 6-7% કરવાની ભલામણ કરાઈ છે, જેથી વધતી મોંઘવારી [Inflation] સામે કર્મચારીઓને આર્થિક સુરક્ષા મળી રહે.
ભથ્થા અને અન્ય આર્થિક લાભો (Allowances and Structural Reforms)
કર્મચારી સંગઠનોએ હાઉસ રેન્ટ એલાઉન્સ [HRA] ને વર્તમાન સ્લેબથી વધારીને મહત્તમ 36% કરવાની માંગ કરી છે. પીએસએનએમએ ચિલ્ડ્રન એજ્યુકેશન એલાઉન્સ [Children Education Allowance] ને ₹2,800 થી વધારીને ₹7,000 પ્રતિ માસ કરવા અને ₹2,000 નું નવું ‘ડિજિટલ સપોર્ટ એલાઉન્સ’ શરૂ કરવા સૂચન આપ્યું છે. નિવૃત્તિ સમયે અર્ન્ડ લીવ [Earned Leave] ની કેશ લિમિટ 300 થી વધારીને 400 દિવસ કરવાની પણ માંગ છે. આ ઉપરાંત, જૂની પેન્શન યોજના [OPS] પુનઃસ્થાપિત કરવા અને ગ્રેચ્યુઈટીની મર્યાદા ₹50 લાખ સુધી કરવા પર ભાર મૂકવામાં આવ્યો છે.
પગારમાં ચાર ગણો વધારો અને BPMS નો પ્રસ્તાવ (Defence Workers Union Proposals)
બીજી તરફ, ‘ભારતીય પ્રતિરક્ષા મજદૂર સંઘ’ [BPMS] એ અત્યંત આક્રમક પ્રસ્તાવ રજૂ કરતા લઘુત્તમ મૂળ પગાર ચાર ગણો વધારીને ₹72,000 કરવાની માંગ કરી છે. આ પ્રસ્તાવ મુજબ, ટોચના સ્તરના હોદ્દાઓ એટલે કે લેવલ 18 પર મહત્તમ પગાર ₹10 લાખ સુધી પહોંચી શકે છે. સંઘે 4 ના ફિટમેન્ટ ફેક્ટરની માંગ સાથે પગાર માળખામાં ધરખમ ફેરફારની હિમાયત કરી છે, જે સ્વીકારાય તો સરકારી તિજોરી પર મોટો બોજ આવી શકે છે.
આ પણ વાંચો: અમેરિકાએ ભારતીય સોલર પેનલ્સ પર લગાવી 123% એન્ટી-ડમ્પિંગ ડ્યુટી
