ગુજરાત સ્થાનિક સ્વરાજ્યની ચૂંટણીમાં સૌરાષ્ટ્રથી લઈને દક્ષિણ ગુજરાત સુધી આમ આદમી પાર્ટીના ઉમેદવારોની પ્રચંડ જીત

Gujarat Local Body Election Results: ગુજરાતની સ્થાનિક સ્વરાજ્યની ચૂંટણી [Local Body Elections] ના પરિણામોમાં આમ આદમી પાર્ટી (આપ) [Aam Aadmi Party] એ અનેક બેઠકો પર જીત મેળવીને રાજકીય વિશ્લેષકોને ચોંકાવી દીધા છે. સવારના 9 થી 10 વાગ્યાના ટૂંકા ગાળામાં જ રાજ્યના વિવિધ જિલ્લાઓમાંથી ‘આપ’ ના વિજયના અહેવાલો પ્રાપ્ત થયા છે. ખાસ કરીને સૌરાષ્ટ્ર અને આદિવાસી પટ્ટામાં પાર્ટીએ મજબૂત પકડ જમાવી છે.

સૌરાષ્ટ્રમાં ‘આપ’ ની આંધી: જૂનાગઢ અને અમરેલીમાં ભવ્ય વિજય (Gujarat Local Body Election Results)

જૂનાગઢ [Junagadh] જિલ્લાના તલાલા વિધાનસભા હેઠળની આંબલાસ અને અંકોલવાડી બેઠકો પર ‘આપ’ એ કબજો કર્યો છે. વિસાવદરની બરડિયા બેઠક પર પાર્ટીના ઉમેદવારે 440 મતોની સરસાઈથી જીત મેળવી છે, જ્યારે બિલખાના બંધાળામાં 101 મતોથી વિજય થયો છે. અમરેલીના [Amreli] ધારીમાં નગરપાલિકાની 4 માંથી 3 બેઠકો જીતીને ‘આપ’ એ દબદબો જાળવ્યો છે. અહીં નાની હડિયાડમાં દાકુભાઈ ગજીપરા [Dakubhai Gajipara] અને દેવગામમાં ગોગનભાઈ રમાણી [Goganbhai Ramani] એ પ્રચંડ સરસાઈથી જીત હાંસલ કરી છે.

દક્ષિણ અને મધ્ય ગુજરાતમાં પણ ‘ઝાડુ’ ફરી વળ્યું (AAP Success in South and Central Gujarat)

દાહોદના [Dahod] ગરબાડામાં નવાનગર જિલ્લા પંચાયત બેઠક પર 1740 મતોની જંગી લીડ સાથે ‘આપ’ ના ઉમેદવારે ભવ્ય જીત મેળવી છે. ડેડિયાપાડામાં ભાવતીબેન વસાવા [Bhavtiben Vasava] 346 મતોથી વિજેતા બન્યા છે. સુરેન્દ્રનગરના [Surendranagar] ધ્રાંગધ્રાની ચરડવા બેઠક પર પણ કાર્યકરોમાં ઉજવણીનો માહોલ છે. આ ઉપરાંત કચ્છના રાપર અને પોરબંદરના માણાવદર વિસ્તારમાં પણ પાર્ટીએ અનેક બેઠકો અંકે કરી છે.

આદિવાસી વિસ્તારોમાં મજબૂત જનાદેશ (Strong Mandate in Tribal Belts)

સાબરકાંઠાના [Sabarkantha] પોશીના અને લીમખેડાની ચૈડિયા બેઠક પર મીનાબેન તડવીએ [Minaben Tadvi] રોમાંચક જીત મેળવી છે. ગઢડામાં ગોપાલ મેર [Gopal Mer] 102 મતોથી વિજયી થયા છે. આ પરિણામો સ્પષ્ટ કરે છે કે ‘આપ’ હવે ગુજરાતના ગ્રામીણ અને અંતરિયાળ વિસ્તારોમાં એક સશક્ત રાજકીય વિકલ્પ તરીકે ઉભરી રહી છે.

આ પણ વાંચો: વિસાવદર પેટાચૂંટણી: ‘આપ’ ના રાજુભાઈ પાટડિયાનો પ્રચંડ વિજય