Ganesh Jadeja Gondal Land Dispute Success: રાજકોટ જિલ્લાના ગોંડલ [Gondal] તાલુકાના મોટા ઉમવાડા ગામેથી લોકસેવાની એક અદભૂત મિસાલ સામે આવી છે. એક નિર્દોષ ખેડૂતની પેઢીઓની મિલકત પચાવી પાડવા રચાયેલા ભૂમાફિયાઓના જાળને ધારાસભ્ય પુત્ર ગણેશભાઈ જાડેજાએ [Ganesh Jadeja] માત્ર 3 દિવસમાં તોડી પાડ્યો છે. ₹6 કરોડની બજાર કિંમત ધરાવતી જમીન હડપવાનું કાવતરું ખુલ્લું પાડી ખેડૂતને ન્યાય અપાવ્યો છે.
લોનની આડમાં ₹6 કરોડની જમીન હડપવાનું કાવતરું (Land Scam and Fraudulent Loan)
મોટા ઉમવાડા ગામના ખેડૂત અશોકભાઈ મકવાણાને [Ashokbhai Makwana] આર્થિક મદદની જરૂર હોવાથી તેમણે રાજકોટના કેટલાક શખ્સોનો સંપર્ક કર્યો હતો. આ શખ્સોએ તેમને 1.75% વ્યાજે ₹3 લાખની લોન [Loan] આપવાનું લાલચ આપી વિશ્વાસમાં લીધા હતા. જોકે, લોનના દસ્તાવેજોના બહાને આ શખ્સોએ ખેડૂતની 10 વીઘા કિંમતી જમીનનો જંત્રીના ભાવે દસ્તાવેજ કરાવી લીધો હતો. આ જમીનની અંદાજિત બજાર કિંમત ₹6 કરોડ જેટલી થાય છે.
અડધી રાત્રે ગણેશ જાડેજા વહારે આવ્યા (Ganesh Jadeja Gondal Land Dispute Success)
જ્યારે અશોકભાઈને ખબર પડી કે તેમની જમીનનો દસ્તાવેજ થઈ ગયો છે, ત્યારે તેમના પગ નીચેથી જમીન સરકી ગઈ હતી. હતાશ થયેલા ખેડૂત રાત્રે 1 વાગ્યે ગણેશભાઈ જાડેજાના નિવાસ્થાને પહોંચ્યા હતા. ગણેશભાઈએ અડધી રાત્રે પણ ખેડૂતની આપવીતી શાંતિથી સાંભળી અને કોઈપણ ભોગે જમીન પાછી અપાવવાની ખાતરી આપી હતી.
72 કલાકમાં ભૂમાફિયાઓ પરાસ્ત (Land Recovery in 72 Hours)
ગણેશભાઈ જાડેજાએ આ ગંભીર જમીન કૌભાંડમાં [Land Scam] આક્રમક વલણ અપનાવ્યું હતું. તેમણે કાયદાકીય પાસાઓ અને લોકશક્તિના જોરે ભૂમાફિયાઓ સામે મોરચો માંડ્યો. ગણેશભાઈના કડક વલણને કારણે ભૂમાફિયાઓએ પીછેહઠ કરવી પડી અને માત્ર 72 કલાકમાં એટલે કે 3 જ દિવસમાં ખેડૂત પરિવારને તેમની જમીન પરત મળી ગઈ હતી.
‘મિર્ઝાપુર’ નહીં, આ રક્ષકોનું ગોંડલ છે (Gondal is Not Mirzapur)
ન્યાય મળ્યા બાદ ગામના મેલડી માતાજીના મંદિરે ગણેશભાઈનું ભવ્ય સ્વાગત કરવામાં આવ્યું હતું. ગ્રામજનોએ સોશિયલ મીડિયા પર ગોંડલને ‘મિર્ઝાપુર’ [Mirzapur] તરીકે બદનામ કરનારાઓ સામે રોષ ઠાલવ્યો હતો. અગ્રણીઓએ જણાવ્યું કે, ગોંડલમાં ગુંડાગીરી નથી પણ ગણેશભાઈ જેવા યુવા નેતા છે જે ગરીબોના હક માટે અડધી રાત્રે પણ ઉભા રહે છે.
આ પણ વાંચો: મહેસાણા: વિજાપુરમાં મધ્યાહન ભોજન કૌભાંડ, 6 શાળાઓને નોટિસ
