Samastipur Family Train Video :બિહારના સમસ્તીપુર રેલ્વે સ્ટેશન નજીક એક એવી ઘટના બની જે જોઈને કોઈના પણ શ્વાસ થંભી જાય. એક દંપતી અને તેમનું બાળક રેલ્વે ટ્રેક ઓળંગવાનો પ્રયાસ કરી રહ્યા હતા ત્યારે અચાનક ઉભેલી માલગાડી ચાલુ થઈ ગઈ હતી. જીવ બચાવવા માટે આખો પરિવાર ટ્રેકની વચ્ચે સૂઈ ગયો હતો અને તેમની ઉપરથી આખી માલગાડી પસાર થઈ ગઈ હતી. સદનસીબે, ‘રામ રાખે તેને કોણ ચાખે’ એ ઉક્તિ મુજબ ત્રણેયનો આબાદ બચાવ થયો છે.
સમસ્તીપુરમાં ચમત્કાર: માલગાડી નીચે ફસાયો આખો પરિવાર, ઉપરથી પસાર થઈ ગયા ટ્રેનના ડબ્બા અને પછી જે થયું… જુઓ રૂંવાડા ઉભા કરી દેતો VIDEO#Samastipur #BiharNews #RailwaySafety #ViralVideo #MiracleEscape #IndianRailways #ShockingVideo #GujaratSamay #સમસ્તીપુર #બિહાર #વાયરલવીડિયો pic.twitter.com/uUGQLied2r
— Gujarat samay (@gujaratsamaya) May 15, 2026
Samastipur Family Train Video : ટ્રેક ઓળંગવાની ઉતાવળ પડી ભારે
મળતી માહિતી મુજબ, આ ઘટના સમસ્તીપુરના ભોલા ટોકીઝ રેલ્વે ગુમટી પાસે બની હતી.
-
જોખમી પ્રયાસ: પ્લેટફોર્મ પર જવાને બદલે શોર્ટકટ લેવાના ચક્કરમાં આ પરિવારે ઉભેલી માલગાડીની નીચેથી નીકળવાનો પ્રયાસ કર્યો હતો.
-
અચાનક શરૂ થઈ ટ્રેન: જેવો પરિવાર ટ્રેક પર પહોંચ્યો કે તરત જ માલગાડીને સિગ્નલ મળતા તે ચાલુ થઈ ગઈ હતી.
-
જીવ બચાવવા લીધો આશરો: ટ્રેન ચાલુ થતા જ ગભરાયેલા દંપતીએ સમજદારી બતાવી અને બાળક સાથે ટ્રેકની એકદમ વચ્ચે જમીન પર ચત્તા સૂઈ ગયા હતા.
સ્થાનિકોના શ્વાસ અધ્ધર થયા
આ દ્રશ્ય જોઈને આસપાસ ઉભેલા લોકોના જીવ તાળવે ચોંટી ગયા હતા. લોકો બૂમો પાડી રહ્યા હતા કે “હલશો નહીં, સ્થિર સૂઈ રહેજો”. માલગાડીના એક પછી એક ડઝનબંધ ડબ્બાઓ આ પરિવારની ઉપરથી પસાર થયા હતા. ટ્રેન પસાર થયા બાદ જ્યારે ત્રણેય સુરક્ષિત રીતે ઉભા થયા ત્યારે ત્યાં હાજર લોકોએ રાહતનો શ્વાસ લીધો હતો. આ સમગ્ર ઘટનાનો વીડિયો સોશિયલ મીડિયા પર જોરદાર વાયરલ થઈ રહ્યો છે.
રેલવે તંત્રની ચેતવણી
આ ઘટના બાદ રેલ્વે વહીવટીતંત્રે ફરી એકવાર નાગરિકોને અપીલ કરી છે કે રેલ્વે ટ્રેક ઓળંગવા માટે હંમેશા ફૂટ ઓવરબ્રિજ (FOB) નો જ ઉપયોગ કરવો. ટ્રેનની નીચેથી કે શોર્ટકટ દ્વારા ટ્રેક ઓળંગવો જીવલેણ સાબિત થઈ શકે છે. આ કિસ્સામાં માત્ર નસીબ જોરે પરિવારનો જીવ બચ્યો છે, પરંતુ દરેક વખતે આવું નસીબ સાથ આપતું નથી.
આ પણ વાંચો: સુમુલ ડેરી બોનસ જાહેરાત, પશુપાલકોને પ્રતિ કિલોફેટ ₹1020 મળશે, સુરત-તાપીમાં ખુશી
