Jantar Mantar Protest Ban રાજધાની દિલ્હીમાં સુરક્ષા વ્યવસ્થા, ટ્રાફિક વ્યવસ્થાપન અને કાયદો-વ્યવસ્થાની સ્થિતિ સુદ્રઢ રાખવા માટે દિલ્હી પોલીસે એક મોટો અને મહત્ત્વપૂર્ણ વહીવટી નિર્ણય લીધો છે. લુટિયન્સ દિલ્હીમાં સ્થિત વર્ષો જૂના અને પ્રખ્યાત વિરોધ સ્થળ ‘જંતર મંતર’ને હવે સત્તાવાર વિરોધ સ્થળોની યાદીમાંથી સંપૂર્ણપણે હટાવી દેવામાં આવ્યું છે. કેન્દ્રીય ગૃહ મંત્રાલયના નિર્દેશ હેઠળ લેવાયેલા આ નિર્ણય બાદ હવે રાજધાનીમાં વિરોધ પ્રદર્શનો યોજવા માટે ત્રણ નવા સ્થળો સત્તાવાર રીતે નિયુક્ત કરવામાં આવ્યા છે.
Jantar Mantar Protest Ban આ ત્રણ નવા સ્થળોએ જ વિરોધ પ્રદર્શનની પરવાનગી મળશે
દિલ્હી પોલીસ દ્વારા જાહેર કરાયેલા આદેશ મુજબ, હવેથી કોઈપણ રાજકીય પક્ષ, સામાજિક સંગઠન કે નાગરિક જૂથને જંતર મંતર ખાતે વિરોધ પ્રદર્શન, ધરણા કે રેલી યોજવાની મંજૂરી મળશે નહીં. તેના બદલે વિરોધ પ્રદર્શન માટે નીચે મુજબના ત્રણ મેદાનોને સત્તાવાર રીતે અધિકૃત કરવામાં આવ્યા છે:
૧. રામલીલા મેદાન (મધ્ય દિલ્હી)
૨. બુરારી ગ્રાઉન્ડ (ઉત્તર દિલ્હી)
૩. સીબીડી ગ્રાઉન્ડ (પૂર્વ દિલ્હી)
ગૃહ મંત્રાલય અને દિલ્હી પોલીસે કેમ લીધો આ નિર્ણય?
ગૃહ મંત્રાલય સાથે સંકલન સાધીને લેવાયેલો આ કડક નિર્ણય મુખ્યત્વે મધ્ય દિલ્હીના વ્યસ્ત માર્ગો પર સર્જાતી ટ્રાફિક સમસ્યા અને વીવીઆઈપી (VVIP) સુરક્ષા પડકારોને ધ્યાનમાં રાખીને લેવાયો છે. તાજેતરમાં જંતર મંતર ખાતે મુખ્ય ચૂંટણી કમિશનર (CEC) જ્ઞાનેશ કુમાર વિરુદ્ધ વિપક્ષી ગઠબંધન અને અન્ય સંગઠનો દ્વારા ભારે હોબાળો, વિરોધ પ્રદર્શન અને બેરિકેડિંગની ઘટનાઓ સામે આવી હતી.
સંસદ ભવન, મંત્રાલયો અને વીવીઆઈપી રહેણાંક વિસ્તારોની અત્યંત નજીક આવેલા જંતર મંતર પર વારંવાર કાયદો-વ્યવસ્થાની સ્થિતિ કથળતી અટકાવવા અને સામાન્ય નાગરિકોને ટ્રાફિક જામની હાલાકીમાંથી મુક્તિ અપાવવા માટે વહીવટીતંત્રે આ કાયમી ફેરફાર અમલી બનાવ્યો છે.
mustak malek
