Gandhinagar Mayor Rupsinh Thakor તરીકે 29 વર્ષના રૂપસિંહ ઠાકોરની પસંદગી થતાં ગાંધીનગરના રાજકારણમાં યુવા નેતૃત્વની ચર્ચા શરૂ થઈ છે. ગાંધીનગર મહાનગરપાલિકાની ચૂંટણીમાં ભાજપે મોટી જીત મેળવ્યા બાદ વોર્ડ નંબર 4માંથી ચૂંટાયેલા રૂપસિંહ ઠાકોરને મેયર બનાવવામાં આવ્યા છે. જોકે, તેમની પ્રથમ પત્રકાર પરિષદનો વીડિયો સોશિયલ મીડિયા પર વાયરલ થયા બાદ તેઓ ટ્રોલિંગનો સામનો કરી રહ્યા છે.
11 ઓક્ટોબરે યોજાયેલી મહાનગરપાલિકાની ચૂંટણીમાં ભાજપે કુલ 44માંથી 38 બેઠકો જીતી હતી. કોંગ્રેસને પાંચ બેઠકો મળી હતી, જ્યારે એક બેઠક અપક્ષ ઉમેદવારના ખાતામાં ગઈ હતી. ભાજપે અંજના મહેતાને ડેપ્યુટી મેયર અને મહેન્દ્ર પટેલને સ્થાયી સમિતિના અધ્યક્ષ બનાવ્યા છે.
This is Rupsing Ranaji Thakor.
He is Class 10 pass.
He is the new Mayor of Gandhinagar where GIFT City is located. https://t.co/g7HC9Gmb8C— Flying Lancer Полковник Раджен Bhaduri (@LancerFlying) November 5, 2026
Gandhinagar Mayor Rupsinh Thakorની પસંદગી પાછળનું રાજકીય ગણિત
રૂપસિંહ ઠાકોર ધોરણ 10 સુધી ભણેલા છે અને ગાંધીનગરમાં કપડાંનો શોરૂમ ચલાવે છે. તેઓ રાજકીય રીતે પ્રભાવશાળી ઠાકોર સમુદાયમાંથી આવે છે, જે અન્ય પછાત વર્ગ (OBC)માં સામેલ છે. આ વર્ષે મેયરનું પદ OBC વર્ગ માટે અનામત રાખવામાં આવ્યું હતું.
રૂપસિંહ 18 વર્ષની ઉંમરે ભાજપના યુવા મોરચા સાથે જોડાયા હતા. રાજકીય વર્તુળોમાં તેમની પસંદગીને યુવા નેતૃત્વને તક આપવાના પ્રયાસ તરીકે જોવામાં આવી રહી છે. સાથે જ, ઠાકોર સમુદાય સુધી પક્ષનો સંદેશ પહોંચાડવાની દૃષ્ટિએ પણ આ પસંદગી મહત્ત્વપૂર્ણ માનવામાં આવે છે.
New york city Meyor Gandhinagar BJP Meyor https://t.co/3z9zIj8ADf
— RINI (@GujjuRini) November 4, 2026
પ્રથમ પ્રેસ કોન્ફરન્સનો વીડિયો વાયરલ
મેયર બન્યા બાદ રૂપસિંહ ઠાકોરે પક્ષના ટોચના નેતૃત્વનો આભાર વ્યક્ત કર્યો હતો. જોકે, તેમની પ્રથમ પત્રકાર પરિષદ દરમિયાન તેઓ વધુ બોલી શક્યા નહોતા. આ વીડિયો સોશિયલ મીડિયા પર વાયરલ થતાં કેટલાક લોકોએ તેમની ટીકા શરૂ કરી છે. ન્યૂયોર્કના મેયર જોહરાન મમદાની સાથે સરખામણી કરીને પણ તેમને નિશાન બનાવવામાં આવી રહ્યા છે.
બીજી તરફ, રૂપસિંહ ઠાકોરે વડાપ્રધાન નરેન્દ્ર મોદીના વિકસિત ભારતના વિઝનને સાકાર કરવાની વાત કરી છે. ગાંધીનગર રાજ્યની રાજધાની હોવા ઉપરાંત ગિફ્ટ સિટી અને વાઇબ્રન્ટ ગુજરાત જેવા મોટા કાર્યક્રમોનું કેન્દ્ર પણ છે. તેથી નવા મેયર સામે શહેરના વિકાસ અને નાગરિક સુવિધાઓ સુધારવાની જવાબદારી રહેશે.
